Baba Ka Dhaba : બાબાના સારા દિવસો પૂર્ણ, રેસ્ટોરન્ટ બંધ થઈ, ઢાબા પર પરત ફર્યું જીવન

દિલ્હી(Delhi)ના માલવીયા નગરમાં ગત વર્ષે ‘બાબા કા ઢાબા’(Baba Ka Dhaba)નો વિડીયો ઇન્ટરનેટ પર ખૂબ જ વાયરલ થયો હતો. તેની બાદ લોકો પાસેથી આર્થિક મદદ મળ્યા પછી બાબાએ રેસ્ટોરન્ટ પણ ખોલી હતી. પરંતુ તે ચાલી નહિ અને હવે બાબા કા ઢાબા (Baba Ka Dhaba)ફરી એક વાર તેના મૂળ સ્વરૂપમાં ખૂલ્યું છે.

વ્યકિતનું નસીબ ક્યારે પલટાય છે તે કોઇ કહી શકતું નથી. જેમાં ગત વર્ષે દક્ષિણ દિલ્હી(Delhi) ના માલવીયા નગર વિસ્તારમાં બાબા કા ઢાબા(Baba Ka Dhaba)ચલાવતા 81 વર્ષીય કાંતા પ્રસાદ અને તેમની પત્ની બાદામી દેવીનો એક વીડિયો વાયરલ થયા બાદ તેમનું નસીબ બદલાઈ ગયું હતું. તેમનો વિડીયો ટ્વિટર પર ટોપ ટ્રેન્ડ પર આવી ગયો હતો અને લોકો તેના ઢાબા પર જમવા માટે લાઇનમાં ઉભા રહેતા હતા.

કાંતા પ્રસાદની આ રેસ્ટોરન્ટ લોકડાઉનમાં બંધ થઈ ગઈ

Web Stories View more

IPL 2024 : આઈપીએલની મિસ્ટ્રી ગર્લ કોણ જાણો , જુઓ ફોટો

યુઝ કરેલા વેટ વાઈપ્સને ફેકવાની જગ્યાએ આ રીતે કરો ઉપયોગ

લસણ ભલે ઔષધિ હોય, પણ વધારે ખાવાથી થાય છે નુકસાન, જાણો કેટલી માત્રામાં ખાવું

કેળા સાથે ભૂલથી પણ ના ખાતા આ વસ્તુઓ, ફાયદાને બદલે થશે નુકસાન

આજનું રાશિફળ તારીખ 26-04-2024

લાલ લહેંગો, હાથમાં ચૂડો અને હેવી જ્વેલરી..લગ્નમાં પરી જેવી લાગી આરતી સિંહ

તેમને ઘણી જગ્યાએથી આર્થિક મદદ પણ મળી. જેની બાદ કાંતા પ્રસાદે દિલ્હી(Delhi)માં રેસ્ટોરન્ટ ખોલી હતી. હવે સમાચાર આવી રહ્યા છે કે કાંતા પ્રસાદની આ રેસ્ટોરન્ટ લોકડાઉનમાં બંધ થઈ ગઈ છે. હવે કાંતા પ્રસાદ પોતાના જૂના સ્થાને પરત ફર્યા છે અને પહેલાની જેમ બાબા ઢાબા ખાતે ગ્રાહકોના એકઠા થવાની રાહ જોઇ રહ્યા છે.

હવે ઢાબા પર પરત ફર્યા

એક સમાચાર પત્રના અહેવાલ મુજબ, બાબા કા ઢાબા ચલાવતા કાંતા પ્રસાદની રેસ્ટોરન્ટ ફેબ્રુઆરીમાં બંધ થઈ ગઈ છે. તેથી તેઓ હવે ઢાબા પર પરત ફર્યા છે. પરંતુ હવે કમાણી પહેલા જેવી નથી. ગયા વર્ષે વિડીયો વાયરલ બાદ તેમની આવક અહીંથી 10 ગણી વધી ગઈ હતી. બાબા કા ઢાબા ઇન્ટરનેટ પર પ્રખ્યાત થયું હતું.

બાબાના ઢાબાના માલિકના ખાતામાં 42 લાખ રૂપિયા આવ્યા હતા

કાંતા પ્રસાદે કહ્યું કે દિલ્હીમાં કોરોનાને કારણે તેમનો જૂનો ઢાબો 17 દિવસ બંધ રાખવો પડ્યો. જેના કારણે વેચાણ પર અસર પડી છે. તેઓએ ફરી ગરીબીનો સામનો કરવો પડ્યો હતો. કાંતા પ્રસાદ કહે છે, ‘અમારા ઢાબા પર ચાલી રહેલા કોવિડ લોકડાઉનને કારણે, દૈનિક આવકમાં ઘટાડો થયો છે. અમારું દૈનિક વેચાણ લોકડાઉન પહેલાં રૂ .3,500 હતું તે ઘટીને હવે રૂ .1000 થઈ ગયું છે. અમારા કુટુંબનું જીવન ટકાવવા માટે આ પૂરતું નથી.

હવે સારા દિવસો પૂરા થયા

ગયા વર્ષે, બાબા કા ઢાબાનો વીડિયો વાયરલ થયા પછી, કાંતા પ્રસાદને આર્થિક સહાય મળી, જેના કારણે તેણે એક નવી રેસ્ટોરન્ટ ખોલી, તેના મકાનમાં એક નવો ફ્લોર ઉમેર્યો, તેમનું જૂનું દેવું ચુકવ્યું. તેમની માટે અને તેમના બાળકો માટે એક સ્માર્ટફોન ખરીદો. જો કે હવે સારા દિવસો પૂરા થયા છે. બાબાના ધાબામાં ચોખા, કઠોળ અને બે પ્રકારની શાકભાજી હાલમાં મળી રહે છે.

ડિસેમ્બરમાં ખૂબ ધામધૂમથી  નવી રેસ્ટોરન્ટ ખોલી

કાંતા પ્રસાદે ડિસેમ્બરમાં ખૂબ જ ધામધૂમથી તેમની નવી રેસ્ટોરન્ટ ખોલી હતી. જ્યાં કાંતા પ્રસાદ ઢાબા પર રોટલો બનાવતા હતા. તે હવે રેસ્ટોરન્ટ મોનિટર કરે છે. જ્યારે તેમની પત્ની અને બે પુત્રો કાઉન્ટર પર બેસી પૈસા ગણતા હતા. બે રસોઈયા અને એક વેઈટર ગ્રાહકોની સેવા કરવામાં રોકાયેલા હતા. પ્રારંભિક ઉત્સાહ પછી ગ્રાહકોની સંખ્યા ઘટવાની શરૂ થઇ અને રેસ્ટોરન્ટનો ખર્ચ વધવા લાગ્યો હતો.

રેસ્ટોરન્ટમાં 5 લાખનું રોકાણ કર્યું 

કાંતા પ્રસાદે કહ્યું, રેસ્ટોરન્ટમાં 5 લાખનું રોકાણ કર્યું અને ત્રણ લોકોને નોકરીએ રાખ્યા હતા. આ રેસ્ટોરન્ટનો માસિક ખર્ચ આશરે 1 લાખ હતો અને 35,000 રૂપિયા ભાડા તરીકે ચૂકવવા પડતા હતા. તેમજ ત્રણ કર્મચારીઓનો પગાર 36,000 રૂપિયામાં આપવો પડતો હતો. જ્યારે 15,000 રેશન, વીજળી અને પાણી માટે જતા હતા. જો કે, સરેરાશ માસિક વેચાણ કરતા ખર્ચ વધતા નુકસાન થયું હતું. તેથી તેમને લાગે છે કે નવી રેસ્ટોરન્ટ ખોલવા માટે તેમને ખોટી સલાહ આપવામાં આવી હતી.

યુ ટ્યુબર ગૌરવ વાસન ને કારણે લોકપ્રિયતા મળી

યુટ્યુબર ગૌરવ વાસનને બાબા કા ધાબાને લોકપ્રિય બનાવ્યો. વાસને બાબા કા ધાબાનો વીડિયો બનાવી યુટ્યુબ પર મૂકી દીધો હતો. જોકે બાદમાં કાંતા પ્રસાદે દાનમાં લીધેલા નાણાંનો ગેરવર્તન અને છેતરપિંડી કરવા બદલ વાસન અને તેના સાથીઓ સામે ફરિયાદ નોંધાવી હતી. તેઓએ આરોપ લગાવ્યો હતો કે વાસને જાતે જ પોતાના પરિવાર અને મિત્રોના બેંક એકાઉન્ટ શેર કર્યા છે. નાણાંકીય સહાય તરીકે પ્રાપ્ત થયેલી રકમમાં ગડબડમાં કરવામાં આવી હતી.