જો તમે ફેબ્રુઆરી, માર્ચ અને એપ્રિલ મહિનામાં નવું વાહન ખરીદવાના છો તો થઈ જાવો સાવધાન, નહીં તો તમારી સાથે થઈ શકે છે છેતરપિંડી

એક બાજુ પ્રદુષણ ઓછું કરવા દેશ જ નહીં દુનિયાભરમાં કવાયતો હાથ ધરવામાં આવી રહી છે અને ભારતમાં પણ જ્યાં BS-6 ધારા ધોરણોવાળા એન્જિન ધરાવતા વાહનો લોન્ચ થવા લાગ્યા છે. ઈલેક્ટ્રોનિક વાહનોમાં પણ વધારો જોવા મળી રહ્યો છે. બીજી બાજુ બજારમાં પહેલાથી જ હાજર BS-4 ધરાવતા વાહનોના વેચાણ પર 1 એપ્રિલથી પ્રતિબંધ લગાવવામાં આવશે. આ મુદ્દે સુપ્રીમ કોર્ટે શુક્રવારે નિર્ણય લીધો છે.

ઓટોમોબાઈલ ડીલરોના સંગઠનોએ BS-4 ધરાવતા વાહનો વેચવા એક મહિનાનો સમય માંગ્યો હતો. જેને સુપ્રીમ કોર્ટે સંપૂર્ણપણે નકારી કાઢ્યો છે. કોર્ટે 24 ઓક્ટોબર, 2018ના નિર્ણયમાં જણાવ્યું હતુ કે 1 એપ્રિલ 2020 પછી BS-4 વાહનોનું વેચાણ અને નોંધણી કરી શકાશે નહીં. આમ હવે દેશમાં 1 એપ્રિલ 2020 પછી BS-4 ગાડીઓના વેચાણના રસ્તા બંધ થઈ જશે.

દેશભરમાં BS-4 ધોરણોને એપ્રિલ 2017થી લાગુ કરવામાં આવ્યા હતા. આ પહેલા 2016માં કેન્દ્ર સરકારે જાહેરાત કરી હતી કે ભારત BS-5ને પાછળ છોડીને 2020 સુધીમાં BS-6 લાગુ કરશે. જસ્ટિસ અરુણ મિશ્રા અને જસ્ટિસ દીપક ગુપ્તાની બેન્ચે સંગઠનની અરજી પર સુનાવણી કરતા સ્પષ્ટ જણાવ્યું કે નક્કી કરેલી સમયમર્યાદાને એક દિવસ માટે પણ વધારવામાં આવશે નહીં.

શું છે ભારત સ્ટેજ (BS) ધોરણ

BS એટલે કે ભારત સ્ટેજ મોટર વાહનોથી થતાં પ્રદૂષણને નક્કી કરવાનું ધોરણ છે. આ પ્રદૂષણના સ્તરને દર્શાવે છે. જે વાહનનો BS નંબર જેટલો વધારે થશે, તેટલું જ ઓછું પ્રદૂષણ થશે. એટલે કે BS-4ની તુલનામાં BS-6ના વાહન હવામાં ઓછું પ્રદૂષણ ફેલાવશે.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો

આ પણ વાંચો: જાણો કેવી રીતે લોખંડ-સ્ટીલ વગર UAEમાં પ્રથમ હિન્દૂ મંદિરનું થશે નિર્માણ

[youtube_channel resource=0 cache=300 random=1 fetch=10 num=1 ratio=3 responsive=1 width=306 display=thumbnail thumb_quality=hqdefault autoplay=1 norel=1 nobrand=1 showtitle=above titletag=h3 desclen=0 noanno=1 noinfo=1 link_to=channel goto_txt=”Watch more interesting videos on TV9 Gujarati YouTube channel”]