VIDEO: બોલિવૂડ અભિનેતા અનુપમ ખેર અને નસરૂદ્દીન શાહ વચ્ચે CAA મુદ્દે શાબ્દિક જંગ

છેલ્લા કેટલાય દાયકાઓથી બોલિવુડ ફિલ્મોમાં શાનદાર અભિનયથી ચાહકોના દિલ જીતી લેતા બે દિગ્ગજ કલાકારો સામસામે આવી ગયા છે. વિચારધારાની લડાઈ પરાકાષ્ઠાએ પહોંચી છે. ‘અ વેનસડે’ ફિલ્મમાં અનુપમ ખેર અને નસરૂદ્દીન શાહ જેવા સિતારા જોવા મળ્યા હતા, પરંતુ હાલ બન્ને કલાકારો વચ્ચેનો મતભેદ ચાલી રહ્યો છે.

CAA અને NRCને લઈ બોલિવૂડ સ્ટાર્સ વચ્ચે પણ અથડામણ જોવા મળી છે. એક વેબસાઈટને આપેલા ઈન્ટરવ્યૂમાં નસરૂદ્દીન શાહે અનુપમ ખેરને લઈ આક્રમક પ્રતિક્રિયાઓ આપી હતી. તેમણે અનુપમ ખેરને જોકર ગણાવ્યા હતા અને તેમને ગંભીરતાથી ન લેવાની વાત કરી હતી. જેનો પલટવાર કરતાં અનુપમ ખેરે ટ્વિટર પર એક વીડિયો પોસ્ટ કર્યો છે.

અનુપમ ખેરે સાથે લખ્યું છે કે જનાબ નસરૂદ્દીન શાહ સાહેબ માટે મારો પ્યાર ભર્યો પૈગામ તેઓ મારાથી મોટા છે. ઉંમર અને અનુભવમાં પણ હું હંમેશા તેમની કલાની ઈજ્જત કરતો આવ્યો છું અને કરતો રહીશ પણ ક્યારેક ક્યારે કેટલીક વાતોનો જવાબ આપવો પણ જરૂરી હોય છે. આ છે મારો જવાબ આવા લખાણ સાથે તેમણે એક વીડિયો પોસ્ટ કર્યો છે અને નસીરૂદ્દીન શાહે આખી જિંદગી ફસ્ટ્રેશનમાં પસાર કરી હોવાની વાત કહી છે.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો

આ પણ વાંચો: Budget 2020: ઈન્કમટેક્સ સ્લેબને લઈ આવી શકે છે સારા સમાચાર, ખાસ આ વર્ગના લોકોને ફાયદો થવાની શક્યતા