દક્ષિણ આફ્રિકાથી આવ્યો હતો ઓમિક્રોન પોઝિટીવ, 7 દિવસો સુધી ઘરમાં છુપાઇને રહ્યો
ચેપગ્રસ્તને બુધવારે રાત્રે જેએલએન હોસ્પિટલમાં દાખલ કરવામાં આવ્યો. આ સિવાય તમામ સંબંધીઓના સેમ્પલ પણ લેવામાં આવ્યા છે. આ સાથે જ આરોગ્ય વિભાગની ટીમે ઘરની આસપાસના વિસ્તારોમાં પણ સર્વે કર્યો છે.
રાજસ્થાનમાં (Rajasthan) કોરોનાનું ઓમિક્રોન વેરિઅન્ટ (Omicron Variant) સતત ફેલાઈ રહ્યું છે. તાજેતરનો કેસ રાજ્યના અજમેર (Ajmer) જિલ્લામાંથી પ્રકાશમાં આવ્યો છે જ્યાં ઓમિક્રોન વેરિઅન્ટનો પ્રથમ કેસ મળ્યા બાદ જિલ્લાની આરોગ્ય વિભાગની ટીમ એલર્ટ મોડ પર છે. અજમેરથી પ્રથમ કેસ અંગે આરોગ્ય વિભાગની ટીમને ગેરમાર્ગે દોરવાના પરિવારના સભ્યો પર આક્ષેપો કરવામાં આવ્યા છે.
પ્રાપ્ત માહિતી અનુસાર, દિલ્હી થઈને અજમેરના ચંદ્રવરદાઈ નગર વિસ્તારમાં એક યુવક દક્ષિણ આફ્રિકાથી 7 દિવસ પહેલા અજમેર પહોંચ્યો હતો. અજમેર મેડિકલ વિભાગને દિલ્હી હેડક્વાર્ટરમાંથી યુવકનો રિપોર્ટ પોઝિટિવ હોવાની જાણ કરવામાં આવી હતી. આ યુવકે ઓમિક્રોનથી સંક્રમિત થવા અંગે ઓરોગ્ય વિભાગથી પોતાની જાતને છુપાવી હતી અને એક સપ્તાહ સુધી ગેરમાર્ગે દોર્યા હતા.
આ બાબતે અજમેરના સીએમએચઓ ડૉ. કે.કે. સોનીએ કહ્યું કે અમારા વિભાગને 7 દિવસ પહેલા દિલ્હીથી યુનાકને ઓમિક્રોન વેરિઅન્ટથી ચેપ લાગ્યો હોવાની માહિતી મળી હતી, ત્યારબાદ યુવકનો સંપર્ક કરવામાં આવ્યો હતો. કે.કે. સોનીના જણાવ્યા અનુસાર યુવકના પરિવારજનોએ અમને યુવક દિલ્હી પરત જવા અંગે જણાવ્યું હતું.
સોનીએ વધુમાં જણાવ્યું કે યુવક ઓમિક્રોન વેરિઅન્ટથી પીડિત હોવા છતાં પરિવારે માહિતી છુપાવી અને દર્દી 7 દિવસ સુધી ઘરે જ રહ્યો. આ દરમિયાન દર્દીના પિતા દરરોજ તેમની દુકાને જતા હતા અને માતા અને ભાઈ રાબેતા મુજબ તમામ કામ કરતા હતા. અંતે, આરોગ્ય વિભાગ દ્વારા પોલીસ સ્ટેશનમાં ફરિયાદ આપવામાં આવી, ત્યારબાદ ચેપગ્રસ્તને બુધવારે રાત્રે જેએલએન હોસ્પિટલમાં દાખલ કરવામાં આવ્યો.
આ સિવાય તમામ સંબંધીઓના સેમ્પલ પણ લેવામાં આવ્યા છે. આ સાથે જ આરોગ્ય વિભાગની ટીમે ઘરની આસપાસના વિસ્તારોમાં પણ સર્વે કર્યો છે. આ કેસમાં પરિવારની બેદરકારી બદલ પોલીસ સ્ટેશનમાં ચેપગ્રસ્ત NRI વિરુદ્ધ ફરિયાદ આપ્યા પછી, હવે કાયદેસરની કાર્યવાહી પણ કરવામાં આવશે.
સીએમએચઓ ડૉ. કે.કે. સોનીએ વધુમાં જણાવ્યું હતું કે દેશ અને દુનિયા આજે આ રોગચાળાથી પરેશાન છે, સરકાર અને વહીવટીતંત્ર એલર્ટ મોડ પર છે, તેથી સંક્રમિત થવાની માહિતી છુપાવવી યોગ્ય નથી. જિલ્લા પોલીસ પ્રશાસને આ યુવક સામે નક્કર કાર્યવાહી કરવી જોઈએ.
બીજી તરફ, જો આપણે રાજ્યમાં કોરોનાના ઓમિક્રોન વેરિઅન્ટના તાજેતરના આંકડા વિશે વાત કરીએ, તો બુધવારે રાજસ્થાનમાં ઓમિક્રોન વેરિઅન્ટના 4 નવા કેસ નોંધાયા હતા. રાજ્યના આરોગ્ય મંત્રી પરસાદી લાલ મીણાએ જણાવ્યું કે ઓમિક્રોન પીડિત 4 લોકોમાંથી એકનો રિપોર્ટ નેગેટિવ આવ્યો છે. કેન્યાની એક મહિલાની દિલ્હીમાં સારવાર ચાલી રહી છે, જ્યારે બે લોકો રાજસ્થાનમાં સારવાર હેઠળ છે, જેઓ ટૂંક સમયમાં સાજા થઈ જશે.
આ પણ વાંચો –
‘પતંગ સાથે યુવાન પણ આકાશમાં’ : પતંગ સાથે 30 મીનિટ સુધી હવામાં લટકતો રહ્યો આ યુવાન ! ધબકારા વધારી દેતો વીડિયો થયો વાયરલ
આ પણ વાંચો –