મુંબઇ પોલીસના જવાને લોકોનું જીત્યું દિલ, ભર વરસાદમાં પિતા-પુત્રીના રેસ્ક્યૂનો વીડિયો વાયરલ

મુંબઈ (Mumbai) માં ગઈકાલે વરસેલા ભારે વરસાદ ( Rain) નાં કારણે મુંબઈકરોનું જનજીવન અસ્તવ્યસ્ત થઈ ગયુ હતુ. અંધેરી પશ્ચિમ સબવે (Andheri Subway) પાસે લોકોના ઘરોમાં પાણી ઘૂસી ગયા હતા. તેમજ વસઈ (Vasai) માં પણ તમામ માર્ગો પાણીમાં ગરકાવ થયા હતા.

વસઈના વિરાર વિસ્તારમાં મધ્યરાત્રીથી જ ભારે વરસાદ (Rain) પડ્યો હતો. અંદાજે 4 કલાક બાદ વસઈના વિરારના તમામ રસ્તાઓ અને નીચાણવાળા વિસ્તારો પાણીમાં ગરકાવ થયા હતા. જેનાથી જાહેર જન જીવન સંપૂર્ણ રીતે ખોરવાઈ ગયું હતું. વહેલી સવારે વરસાદ બંધ પડ્યા બાદ તમામ વિસ્તારોમાં પાણી ભરાયા હતા. સમગ્ર મુંબઇમાંથી વિચલીત કરી દે તેવા વીડિયો અને ફોટોઝ સામે આવી રહ્યા છે. તેવામાં હાલમાં મુંબઇના એક પોલીસ કર્મીનો વીડિયો સોશિયલ મીડિયામાં ખૂબ વાયરલ થઇ રહ્યો છે અને લોકો તેના ખૂબ જ વખાણ કરી રહ્યા છે.

મુંબઇમાં પૂરને કારણે જે સ્થિતી ઉદ્ભવી છે તેને જોતા લોકોને ઘરની બહાર ન નિકળવાની અપિલ પ્રશાસન દ્વારા કરવામાં આવી રહી છે. જ્યારે બીજી તરફ પાણીમાં ફસાયેલા લોકોને સુરક્ષિત બહાર કાઢવા માટે મુંબઇ પોલીસના જવાનો સતત પ્રયત્નો કરી રહ્યા હતા. તેવામાં પાણીમાં ફસાયેલા પિતા અને પુત્રીને રસ્તો પાર કરાવતા પોલીસ જવાનનો વીડિયો વાયરલ થઇ રહ્યો છે. રસ્તો પાર કરાવતી વખતે આ જવાને દિકરીને ઉંચકી લીધી છે. આ વીડિયો જોયા બાદ લોકો ભાવુક થઇ રહ્યા છે.

મુંબઇ પોલીસે ઇન્સ્ટાગ્રામ અને સોશિયલ મીડિયાના વિવિધ પ્લેટફોર્મ પર શેયર કરતા લખ્યુ કે, વરસાદમાં વ્યક્તિ ઘાયલ થઇ ગયો હતો અને કાંદિવલીના રસ્તા પર પોતાની દિકરી સાથે ફસાયેલો હતો. પોલીસકર્મી નાયક રાજેન્દ્ર શેગર એજ વિસ્તારમાં ફરજ બજાવી રહ્યા હતા અને તેમની મદદ માટે તેઓ આગળ આવ્યા. રેસ્ક્યૂના વાયરલ થયેલા આ વીડિયોને લોકો દ્વારા ખૂબ પસંદ કરવામાં આવી રહ્યો છે અને લોકો તેના પર વિવિધ કોમેન્ટ્સ પણ કરી રહ્યા છે.

આ પણ વાંચો – પ્રેમિ સાથે મળી કરી હતી પતિની હત્યા, 10 વર્ષ બાદ ક્રાઇમ બ્રાંચે મહિલાની કરી ધરપકડ, જાણો સમગ્ર કિસ્સો

આ પણ વાંચો – Good News : હવે આર્થિક સ્થિતિનું બહાનું કાઢીને બેન્ક એજ્યુકેશન લોન આપવાની ના નહી પાડી શકે