Video : મુંબઈ-પુણેની મુસાફરી થશે 25 મિનિટમાં, ભારતમાં પ્રથમ વાર Hyperloop Train દોડશે, જાણો વિશેષતા

મુંબઈ-પુણેની મુસાફરી ટૂંક સમયમાં જ હાઈપરલૂપ દ્વારા માત્ર 25 મિનિટમાં પૂરી થઈ જશે. આ મુસાફરીમાં હાલમાં ત્રણ-ચાર કલાકનો સમય લાગે છે. કેન્દ્રીય રેલવે મંત્રી અશ્વિની વૈષ્ણવે ટ્વિટર પર હાઈપરલૂપનો વીડિયો શેર કર્યો છે. મુખ્યમંત્રી દેવેન્દ્ર ફડણવીસનો આ ડ્રીમ પ્રોજેક્ટ હતો. કેન્દ્રએ હવે તેને લીલી ઝંડી આપી દીધી છે. ફડણવીસના ફરીથી મુખ્યમંત્રી બનવા સાથે આ પ્રોજેક્ટને વેગ મળશે.

આ દેશનો પહેલો હાઇપરલૂપ રૂટ હશે. ટ્રેન 1200 કિમી/કલાકની ઝડપે દોડી શકે છે, પરંતુ મુંબઈ-પુણે વચ્ચે તેની સ્પીડ 600 કિમી/કલાકની રહેશે. આ ટ્રેનનું ભાડું હવાઈ જહાજ જેટલું હોઈ શકે છે.

આ ટ્રેન 600 કિમીની ઝડપે દોડશે

મુખ્યમંત્રી દેવેન્દ્ર ફડણવીસ ફરીથી મુખ્યમંત્રી બનવાથી આ પ્રોજેક્ટને વધુ ઝડપી ગતિએ આગળ લઈ જઈ શકાશે. મુંબઈ-પુણે રૂટ દેશનો પ્રથમ હાઇપરલૂપ રૂટ હશે. આ રૂટ પર દોડતી ટ્રેન હવામાં ઉડતા વિમાનની જેમ તેજ ગતિએ દોડશે. આ ટ્રેન 1200 કિલોમીટર પ્રતિ કલાકની ઝડપે દોડી શકે છે. પરંતુ મુંબઈ અને પૂણે વચ્ચે આ ટ્રેન 600 કિલોમીટર પ્રતિ કલાકની ઝડપે દોડશે.

હાઇપરલૂપ શું છે?

હાઇપરલૂપ એક નવી ટેક્નોલોજી છે. જેમાં એક પોડમાં 24 થી 28 મુસાફરો બેસી શકે છે. લોસ એન્જલસ અને સાન ફ્રાન્સિસ્કો વચ્ચે ઝડપી મુસાફરીને સક્ષમ કરવા માટે આ ટેક્નોલોજીની પ્રથમ કલ્પના યુએસમાં કરવામાં આવી હતી. 2013માં એલોન મસ્કે આ ટેક્નોલોજીનો વિચાર આપ્યો હતો. મુખ્ય પ્રધાન દેવેન્દ્ર ફડણવીસે તેમના પ્રથમ કાર્યકાળ દરમિયાન મુંબઈ-પુણે રૂટ માટે હાઇપરલૂપ ટેક્નોલોજી પસંદ કરી હતી અને તેને તેમનો ડ્રીમ પ્રોજેક્ટ ગણાવ્યો હતો.

કેન્દ્રીય મંત્રી અશ્વિની વૈષ્ણવે શું કહ્યું કે ભારતમાં રોકેટ જેવી ફાસ્ટ ટ્રેન દોડી શકશે. આ માટે 410 કિલોમીટર લાંબો ટ્રેક તૈયાર કરવામાં આવ્યો છે. આ ટ્રેક પર હાઇપરલૂપ ટ્રેનનું પરીક્ષણ કરવામાં આવશે. આ ટ્રેન ટ્યુબની અંદર હવા વગરની જગ્યામાં ચાલશે. આમાં મેગ્નેટિક ટેક્નોલોજીનો ઉપયોગ કરવામાં આવ્યો છે. IIT મદ્રાસ અને રેલવેની ટીમે સંયુક્ત રીતે આ ટ્રેક બનાવ્યો છે. આ હાઈપરલૂપ ટેક્નોલોજીથી મુંબઈથી પૂણેની મુસાફરી ખૂબ જ સરળતાથી અને ઓછા સમયમાં પૂર્ણ થઈ જશે.