Mumbai Fire : મુંબઈ અંધેરીના મરોલમાં મુકુંદ હોસ્પિટલની નજીકમાં ATM સેન્ટરમાં આગ ફાટી નીકળી હતી, લગભગ 1 વાગ્યાની આસપાસ આ ઘટના ઘટી જેથી તાત્કાલિક ફાયર વિભાગને જાણ કરવામાં આવી. ફાયર વિભાગની ચાર ગાડીઓ ઘટના સ્થળે પહોંચી હતી. લગભગ એક કલાક સુધી આગને ઓલવવા પ્રયાસ કરવામાં આવ્યો. સદનસીબે આ ઘટનામાં કોઈ જાનહાની થઈ નથી. તેમ છતાં, આગની ઝપેટમાં આવેલા અનેક એરિયામાં વ્યાપક નુકસાન થયું હતું.
આ પણ વાંચો : Mumbai News : આ ભેંસે ભારે કરી! ખાઈ ગઈ અઢી તોલાનું મંગલસુત્ર, હોસ્પિટલમાં કરવુ પડ્યું ઓપરેશન-Watch Video
આ ઘટના અંધેરીમાં મરોલ પાઇપલાઇન બેસ્ટ બસ સ્ટોપ પાસે બની હતી. જ્યારે આગનું ચોક્કસ કારણ હજી સુધી જાણી નથી શકાયું. પ્રાથમિક માહિતી અનુસાર આ ઘટના શોર્ટ સર્કિટને કારણે બની હોવાનું સામે આવ્યું છે. મહત્વનુ છે કે ભારે જહેમત બાત અગ્નિશામકોએ પરિસ્થિતિને કાબૂમાં લીધી છે અને હાલમાં તમામ વાયરિંગ સહિતની ચકાસણી કરવામાં આવી રહી છે.