મહારાષ્ટ્રમાં મંત્રીઓને ખાતાની વહેંચણી, ફડણવીસને મળ્યું ગૃહ વિભાગ, જાણો શિંદે-અજિતને શું મળ્યું?

મહારાષ્ટ્રમાં મુખ્યમંત્રી દેવેન્દ્ર ફડણવીસે મંત્રીઓના વિભાગોની વહેંચણી કરી છે. CMએ ગૃહ વિભાગ પોતાની પાસે રાખ્યું છે. અજિત પવારને ફરી એકવાર નાણાં મંત્રાલયની જવાબદારી સોંપવામાં આવી છે.

એકનાથ શિંદેને શહેરી વિકાસ અને આવાસ વિભાગની જવાબદારી સોંપવામાં આવી છે. ધનંજય મુંડેને ખાદ્ય અને નાગરિક પુરવઠા મંત્રાલયનો હવાલો આપવામાં આવ્યો છે, જ્યારે પંકજા મુંડેને પર્યાવરણ મંત્રાલય આપવામાં આવ્યું છે.

મહારાષ્ટ્ર વિધાનસભા ચૂંટણીમાં રાજ્યની જનતાએ મહાયુતિને સ્પષ્ટ બહુમતી આપી હતી. આ પછી, નવી સરકારે 5 ડિસેમ્બરે શપથ લીધા. આ અવસરે દેવેન્દ્ર ફડણવીસે મુખ્યમંત્રી તરીકે શપથ લીધા જ્યારે એકનાથ શિંદે અને અજિત પવારે નાયબ મુખ્યમંત્રી તરીકે શપથ લીધા. જો કે શપથ ગ્રહણ બાદ પણ મંત્રીમંડળનું વિસ્તરણ અટકી ગયું હતું. આ પછી 15 ડિસેમ્બરે કેબિનેટનું વિસ્તરણ કરવામાં આવ્યું હતું. મહાગઠબંધનના 39 મંત્રીઓએ શપથ લીધા, જેમાં 33 કેબિનેટ અને 6 રાજ્ય મંત્રીઓનો સમાવેશ થાય છે.

મહારાષ્ટ્ર સરકારમાં કોને શું મળ્યું?

• ગૃહ મંત્રાલયઃ દેવેન્દ્ર ફડણવીસ
• નાણા મંત્રાલય: અજિત પવાર
• શહેરી વિકાસ મંત્રાલય: એકનાથ શિંદે
• મહેસૂલ મંત્રાલય: ચંદ્રશેખર બાવનકુળે
• ઉદ્યોગ મંત્રાલય: ઉદય સામંત
• ઉચ્ચ શિક્ષણ: ચંદ્રકાંત પાટીલ
• વન મંત્રાલય: ગણેશ નાઈક
• પર્યાવરણ મંત્રાલય: પંકજા મુંડે
• મેડિકલ એજ્યુકેશનઃ હસન મુશ્રીફ
• પાણી પુરવઠો: ગુલાબરાવ પાટીલ
• જળ સંસાધન મંત્રાલય: રાધા કૃષ્ણ વિખે પાટીલ
• શાળા શિક્ષણ મંત્રીઃ દાદા ભુસે
• આદિજાતિ વિકાસ મંત્રાલયઃ અશોક વિખે
• પરિવહન મંત્રાલય: પ્રતાપ સરનાઈક
• પુરવઠા વિભાગ: ધનંજય મુંડે
• ઓબીસી વિકાસ મંત્રાલયઃ અતુલ સેવ
• સામાજિક ન્યાય વિભાગ: સંજય શિરસાટ
• રોજગાર: ભરત ગોગાવલે