Ketan Agarwal Murder Case : કેતન-સિયાની કુંડળીમાં 36માંથી કેટલા ગુણ મળ્યા હતા ? જ્યોતિષીએ લગ્ન અંગે કરી હતી મોટી ભવિષ્યવાણી !

મહારાષ્ટ્ર પુણેના બહુચર્ચિત કેતન અગ્રવાલ હત્યાકાંડમાં દરરોજ નવા ખુલાસા થઈ રહ્યા છે. બંને પરિવારો સિયા ગોયલને કેતન માટે આદર્શ જીવનસાથી માનતા હતા. પરંતુ આરોપ છે કે એ જ સિયાએ પોતાના મંગેતરની નિર્દય રીતે હત્યા કરી હતી. સિયા કેતનની હત્યા કરી શકે એવો વિચાર પણ કોઈએ કર્યો નહોતો. પરિવારોની સંમતિથી બંનેની કુંડળી મેળવામાં આવી હતી. બંનેના 36માંથી આશરે 27 ગુણ મળી રહ્યા હતા.

હાલમાં પોલીસ સમગ્ર હત્યાકાંડની તપાસમાં વ્યસ્ત છે અને મુખ્ય આરોપી સિયા ગોયલ તથા તેના પ્રેમી ચેતન ચૌધરીની કડક પૂછપરછ કરી રહી છે. સૂત્રોના જણાવ્યા અનુસાર, કેતન અગ્રવાલ અને સિયા ગોયલ વચ્ચેના સંબંધની ચર્ચા જાન્યુઆરી 2026માં શરૂ થઈ હતી. તેમના લગ્ન નક્કી કરવા માટે સૌપ્રથમ તેમની કુંડળીઓનું મેળ કરવામાં આવ્યું હતું. જ્યોતિષીએ ગ્રહો અને નક્ષત્રોની સ્થિતિની ગણતરી કરી હતી. તેમાં 36માંથી 27 મેળ ખાતા ગુણો શોધી કાઢ્યા હતા.

કુંડળીમાં મળ્યા હતા 27 ગુણ

જ્યોતિષશાસ્ત્ર અનુસાર 27 નો મેળ લગ્ન માટે ખૂબ જ શુભ માનવામાં આવે છે. ગણતરીઓથી એ પણ બહાર આવ્યું છે કે કેતન દેવ ગણ રાશિનો હતો. અને સિયા મનુષ્ય (મંગન) રાશિની છે. જેના આધારે જ્યોતિષીએ દાવો કર્યો હતો કે તેઓ એક આદર્શ દંપતી હશે અને તેમનું લગ્નજીવન અત્યંત સફળ રહેશે. આ વાતથી ખુશ થઈને બંને પરિવારોએ સગાઈ સમારોહ ખૂબ જ ધામધૂમથી ઉજવ્યો હતો અને લગ્નની તૈયારીઓ શરૂ કરી હતી. નવેમ્બર 2026 માટે લગ્નની તારીખ નક્કી કરવામાં આવી રહી હતી.

જન્મદિવસના બહાને પ્રેમનું નાટક અને મૃત્યુનું ફાંદો

જ્યારે કેતન સિયા સાથે સુખી જીવનનું સ્વપ્ન જોતો હતો ત્યારે ચેતન ચૌધરીના પ્રેમમાં અંધ સિયા, કેતનને કાયમ માટે ખતમ કરવાની ભયંકર યોજના બનાવી રહી હતી. પોલીસ તપાસ મુજબ, સિયાએ અગાઉ બે-ત્રણ વખત કેતનને મારી નાખવાનો પ્રયાસ કર્યો હતો. પરંતુ તે યોગ્ય તકની રાહ જોઈ રહી હતી. ત્યારબાદ સિયાએ કેતન સાથે પ્રેમનું ઘૃણાસ્પદ નાટક કર્યું.

જન્મદિવસના એક દિવસ પહેલા કેતનની હત્યા

19 જૂનના રોજ કેતનનો જન્મદિવસ હતો. તેના એક દિવસ પહેલા એટલે કે 18 જૂને સિયાએ બર્થડે સરપ્રાઇઝ અને ટ્રેકિંગના બહાને કેતનને ઐતિહાસિક લોહાગઢ કિલ્લા પર બોલાવ્યો હતો. ત્યાં સિયાનો પ્રેમી ચેતન ચૌધરી પહેલેથી જ રાહ જોઈ રહ્યો હતો. વાતો કરતાં કરતાં સિયા કેતનને કિલ્લાના એક સુમસામ અને જોખમી સ્થળે લઈ ગઈ અને તક મળતા જ તેને ઊંડી ખીણમાં ધક્કો મારી દીધો. કેતન નીચે પડતા જ સિયા જોરજોરથી ચીસો પાડવા લાગી જેથી લોકોને લાગે કે આ માત્ર અકસ્માત છે. જ્યારે કેતનનો મૃતદેહ બહાર કાઢવામાં આવ્યો ત્યારે પણ સિયાના ચહેરા પર કોઈ પસ્તાવો કે ગભરાટ જોવા મળ્યો નહોતો. પરંતુ ઘટના બાદ સિયા અને ચેતન વચ્ચે થયેલા કલાકો સુધીના ફોન કૉલના રેકોર્ડ પોલીસે સમગ્ર ઘટનાનો ભેદ ઉકેલી દીધો.

લોહાગઢ કિલ્લા પર ક્રાઇમ સીનનું થયું રિક્રિએશન

કેતન અગ્રવાલ હત્યા કેસની તપાસ કરી રહેલી પોલીસ પુરાવા મજબૂત કરવા માટે વૈજ્ઞાનિક પદ્ધતિઓનો ઉપયોગ કરી રહી છે. કોર્ટે બંને આરોપીઓને 3 જુલાઈ સુધી પાંચ દિવસ માટે પોલીસ કસ્ટડીમાં મોકલ્યા છે. તેમની અટકાયત દરમિયાન, પોલીસે બંને આરોપીઓને ઘટના સ્થળે લઈ જઈને તપાસ ઝડપી બનાવી છે.

28 જૂને સિયાથી કરાયું રી-ક્રિએશન

પોલીસ સૌપ્રથમ સિયા ગોયલને લોહાગઢ કિલ્લાના તે જ સ્થળે લઈ ગઈ જ્યાંથી કેતનને ધક્કો મારવામાં આવ્યો હતો. ત્યાં સમગ્ર ઘટનાનું રી-ક્રિએશન કરવામાં આવ્યું. ત્યારબાદ ચેતન ચૌધરીને પણ તે જ કપડાં પહેરાવીને ઘટનાસ્થળે લઈ જવાયો જે કપડાં તેણે 18 જૂને પહેર્યા હતો. પોલીસે ચેતન દ્વારા એક ડમીને તે જ સ્થળેથી ધક્કો મારાવી તપાસ કરી કે કેતનને કયા એંગલથી અને કેટલી તાકાતથી ધક્કો મારવામાં આવ્યો હતો. હવે પોલીસ આરોપીઓના નિવેદન અને ક્રાઇમ સીન રી-ક્રિએશનના વિડિયોના આધારે કોર્ટમાં મજબૂત પુરાવા રજૂ કરવાની તૈયારી કરી રહી છે જેથી આરોપીઓને કડકમાં કડક સજા મળી શકે.

આ પણ વાંચો, Ketan Agrawal Murder Case : ચેતન તો માત્ર મોહરો હતો… 12મી ફેલ સિયા એક સાથે અનેક યુવકોને કરતી હતી ડેટ, કેતન હત્યા કેસમાં મોટો ખુલાસો !