ગોળ ટોપી પહેરનારાઓએ…, મહારાષ્ટ્રના પ્રધાન નિતેશ રાણેનું વિવાદાસ્પદ નિવેદન, જાણો

તાજેતરમાં મહારાષ્ટ્રના મંત્રી નિતેશ રાણે તેમના નિવેદનને કારણે વિવાદમાં ઘેરાયા છે. મહારાષ્ટ્રની દેવેન્દ્ર ફડણવીસ સરકારમાં મંત્રી નિતેશ રાણે ફરી એકવાર તેમના નિવેદનને કારણે સમાચારમાં છે. તેમણે મહારાષ્ટ્રમાં એક કાર્યક્રમમાં બોલતી વખતે વિવાદાસ્પદ નિવેદન આપ્યું હતું.

તેમણે કહ્યું હતું કે જે લોકો ગોળ ટોળી પહેરે છે તેઓ તેમને મત નથી આપતા. તેઓ લીલા નાગ છે.તેમણે કહ્યું હતું કે તેઓ ફક્ત હિન્દુ મતદારોના કારણે જ ચૂંટણી જીતીને રાજ્ય સરકારમાં મંત્રી બન્યા છે. આવી સ્થિતિમાં, તેઓ ફક્ત તે જ લોકોને ટેકો આપશે જેમણે તેમને મત આપ્યો છે.

‘હું મુંબઈનો હિન્દુ ડીએનએ છું’

સમાચાર એજન્સી ANIના અહેવાલ અનુસાર, મહારાષ્ટ્ર સરકારમાં ભાજપના ક્વોટાના મંત્રી નિતેશ રાણેએ કહ્યું કે, ગોળ ટોપી અને દાઢી પહેરનારાઓએ મને મત આપ્યો નથી. હું હિન્દુઓના મતોથી ધારાસભ્ય બન્યો છું.

જો હું હિન્દુઓને ટેકો નહીં આપું, તો શું હું ઉર્દૂ બોલનારાઓને ટેકો આપીશ? તેઓ લીલા સાપ છે. હું મુંબઈનો હિન્દુ ડીએનએ છું. આ સાથે તેમણે કહ્યું કે અમને હિન્દુ અને મરાઠી હોવાનો ગર્વ છે.

Mumbai, Maharashtra Minister Nitesh Rane says, “The ones wearing round caps and beards did not vote for me. I have become an MLA with the votes of Hindus. If I do not support Hindus, will I support those who speak Urdu?… They are green snakes… The DNA of Mumbai is Hindu.” pic.twitter.com/m9UJMOLeyR

— ANI (@ANI) July 11, 2025

રાણેએ ઠાકરે ભાઈઓ પર પણ પ્રહારો કર્યા

આ કાર્યક્રમમાં તેમણે રાજ ઠાકરે અને ઉદ્ધવ ઠાકરે પર પણ નિશાન સાધ્યું. તેમણે કહ્યું કે જે રીતે જેહાદીઓ સમાજને તોડવાનો પ્રયાસ કરે છે, તેવી જ રીતે આ બંને ભાઈઓ પણ તે જ કરી રહ્યા છે.

આ દરમિયાન નિતેશ રાણેએ PFI અને SIMI જેવા પ્રતિબંધિત સંગઠનોનો પણ ઉલ્લેખ કર્યો અને કહ્યું કે જેમ તેઓ હિન્દુ રાષ્ટ્રની વિભાવના વિરુદ્ધ કામ કરે છે, તેવી જ રીતે ઠાકરે ભાઈઓ પણ તે જ રીતે કામ કરી રહ્યા છે.

મહારાષ્ટ્ર દેશના 28 રાજ્યોમાંનું એક છે. તેનુ પાટનગર મુંબઈ છે. મહારાષ્ટ્ર રાજ્યની વસ્તી 11 કરોડથી વધુ છે. મહારાષ્ટ્રના અન્ય સમાચાર વાંચવા અહીં ક્લિક કરો.