બાપ્પા માટે સ્પેશિયલ ભોગ… રૂ. 20,000 પ્રતિ કિલોના ભાવે વેચાઈ રહ્યો છે આ ‘ગોલ્ડન મોદક’
ગણેશ ચતુર્થી આવતા જ બજારોમાં બાપ્પાના પ્રિય મોદકની સુગંધ અને રોનક જોવા મળી રહી છે પરંતુ આ વખતે એક એવા ખાસ મોદકે સૌનું ધ્યાન ખેંચ્યું છે, જેની કિંમત સાંભળીને જ તમે દંગ રહી જશો. સોના જેવી ચમક ધરાવતા આ સોનેરી મોદક અત્યારે ગણેશ ઉત્સવમાં ભક્તો અને અનોખી મીઠાઈના શોખીનો માટે આકર્ષણનું કેન્દ્ર બન્યા છે. ખાસ વાત એ છે કે, આ મોદકની કિંમત 20,000 રૂપિયા છે.
ગણેશ ચતુર્થીનો તહેવાર આવતા જ બજારોમાં બાપ્પાના પ્રિય મોદકની સુગંધ અને રંગત જોવા મળે છે. આ વખતે મહારાષ્ટ્રના નાસિકમાં તૈયાર કરવામાં આવેલા એક ખાસ મોદકે સૌનું ધ્યાન પોતાની તરફ ખેંચ્યું છે. એનો શાહી અંદાજ અને કિંમત એની ખાસિયતનું મુખ્ય કારણ છે. અહીં 20 હજાર રૂપિયા પ્રતિ કિલોની કિંમતવાળા ‘ગોલ્ડન મોદક’ ચર્ચામાં છે.
‘ગોલ્ડન લુક’ એની સૌથી મોટી ખાસિયત
સોનેરી ચમક ધરાવતા આ મોદક (Golden Modak) ગણેશ ઉત્સવ દરમિયાન ભક્તો અને મીઠાઈના શોખીનો માટે આકર્ષણનું કેન્દ્ર બન્યા છે. નાસિકના આ ખાસ મોદકની સૌથી મોટી ખાસિયત એનો ગોલ્ડન લુક છે. આ મોદકને એવી રીતે તૈયાર કરવામાં આવ્યા છે કે, એને જોતાં જ એની સપાટી પર સોના જેવી ચમક દેખાય છે.
View this post on Instagram
આ જ શાહી અંદાજ એને સામાન્ય મોદકથી અલગ બનાવે છે અને ગણેશ ચતુર્થીના બજારમાં એક ખાસ ઓળખ આપે છે. અહીં એક વાત સ્પષ્ટ કરવી જરૂરી છે કે, 20 હજાર રૂપિયા પ્રતિ કિલોની કિંમતનો મતલબ એ નથી કે, આખો મોદક શુદ્ધ સોનામાંથી બન્યો છે. એની સોનેરી ફિનિશિંગ અને પ્રીમિયમ રજૂઆત જ એને ‘ગોલ્ડન મીઠાઈ’ નો ખાસ લુક આપે છે.
પ્રીમિયમ લુકે ઉત્સુકતા વધારી
આ ગોલ્ડન મોદકની કિંમત લગભગ 20,000 રૂપિયા પ્રતિ કિલોગ્રામ બતાવવામાં આવી રહી છે. સામાન્ય મોદકની સરખામણીમાં આ કિંમત ઘણી વધારે છે. આ જ કારણ છે કે, એની ચર્ચા માત્ર મીઠાઈના સ્વાદ સુધી સીમિત નથી પરંતુ એના પ્રીમિયમ લુક અને અનોખી રજૂઆતે પણ લોકોની ઉત્સુકતા વધારી દીધી છે.
ગણેશ ચતુર્થી પર મોદકનું વિશેષ મહત્વ માનવામાં આવે છે. ધાર્મિક માન્યતાઓ અનુસાર, મોદક ભગવાન ગણેશજીને અતિ પ્રિય છે અને ગણેશ પૂજામાં એનો ભોગ ધરાવવાની પરંપરા રહી છે. એવામાં ભક્તો માટે ગોલ્ડન મોદક આ વખતે બાપ્પાને કંઈક અલગ અને ખાસ અર્પણ કરવાનો વિકલ્પ બનીને સામે આવ્યો છે.
સંસ્કૃતિનું એક નવું ઉદાહરણ
મોદકનું ધાર્મિક અને સાંસ્કૃતિક મહત્વ સદીઓ જૂનું છે પરંતુ સમય જતાં એની રજૂઆતમાં સતત બદલાવ આવ્યો છે. હાલના સમયમાં બજારમાં ચોકલેટ, ડ્રાયફ્રૂટ, માવા, કેસર અને અન્ય ઘણા ફ્લેવરના મોદક મળે છે. ગોલ્ડન મોદક આ બદલાતી મીઠાઈ સંસ્કૃતિનું જ એક નવું ઉદાહરણ માની શકાય, જ્યાં પારંપરિક મીઠાઈને પ્રીમિયમ અને આકર્ષક લુક આપવામાં આવ્યો છે.
View this post on Instagram
ગણેશ ચતુર્થી દરમિયાન ભક્તો બાપ્પા માટે ખાસમાં ખાસ વસ્તુ તૈયાર કરવાનો પ્રયાસ કરે છે. એવામાં જ્યારે કોઈ મીઠાઈ પોતાના સ્વાદની સાથે સાથે દેખાવમાં પણ અત્યંત આકર્ષક હોય, તો એ લોકોનું ધ્યાન ખેંચે તે સ્વાભાવિક છે. ગોલ્ડન મોદકની ચમક, પ્રીમિયમ અંદાજ અને 20 હજાર રૂપિયા કિલોની કિંમતે એને આ ગણેશ ઉત્સવની સૌથી ચર્ચિત મીઠાઈઓમાંની એક બનાવી છે.
આ ખાસ મીઠાઈએ આકર્ષણ ઊભું કર્યું
નાસિકનો આ ગોલ્ડન મોદક દર્શાવે છે કે, કેવી રીતે પરંપરાગત તહેવારો સાથે જોડાયેલી મીઠાઈઓ પણ સમય જતાં નવા અને લક્ઝરી અંદાજમાં લોકો સામે આવી રહી છે. ગણેશ ચતુર્થીના અવસરે બાપ્પાના ભોગ માટે તૈયાર કરાયેલી આ ખાસ મીઠાઈ ચોક્કસપણે તહેવારના બજારમાં એક અલગ જ આકર્ષણ ઊભું કરી રહી છે.
Trending Video: ક્યારેય નહીં જોયું હોય બાપ્પાનું આવું ‘દિવ્ય રૂપ’, 1 કરોડ લાલ બંગડીઓથી તૈયાર થઈ ‘વિરાટ મૂર્તિ’
