Viral : વૃદ્ધ મહિલા ભીખ માંગીને જીવન જીવવા કરતા કરી રહી છે આ કામ, વૃદ્ધાની ખુદ્દારી જોઈને તમે પણ દંગ રહી જશો

Viral Post :  જીવન ખૂબ સુંદર છે, પરંતુ દરેકના જીવનમાં અનેક ઉતાર -ચઢાવ આવે છે, જેને કારણે કેટલાક લોકો નિરાશ થઈ જાય છે. પરંતુ કેટલાક લોકો આફતને પણ અવસરમાં બદલી નાખે છે. આ દિવસોમાં એક વૃદ્ધ મહિલાની સોશિયલ મીડિયા (Social Media) પર ખુબ પ્રશંશા કરવામાં આવી રહી છે. કારણ કે તેણે મજબૂરીમાં પણ હાર ન સ્વીકારીને પરિસ્થિતિ સામે અડગ જોવા મળી છે.

વૃદ્ધ મહિલા મહેનતની મિશાલ

અહેવાલો અનુસાર, રતન નામની આ મહિલા પુણેના (Pune) એમજી રોડ પર પેન વેચે છે. તે બોક્સમાં પેન મૂકીને લોકો પેન લેવા વિનંતી કરે છે. સાથે આ પેનના બોક્સમાં લખ્યુ છે કે, ‘હું કોઈની પાસે ભીખ માંગીને જીવન જીવવા માંગતી નથી. મહેરબાની કરીને 10 રૂપિયામાં બ્લુ પેન ખરીદો, આભાર, આશીર્વાદ. લોકો મહિલાની આ ભાવનાને દિલથી સલામ કરી રહ્યા છે. વૃદ્ધ મહિલાનો ફોટો સાંસદ વિજય સાંઇ રેડ્ડી વીએ પણ ટ્વિટ કર્યો હતો.

જુઓ વાયરલ પોસ્ટ

યુઝર્સ આ વૃધ્ધ મહિલાની કરી પ્રશંશા

સોશિયલ મીડિયા પર રતનની કહાની જાણીને લોકો તેની ખુબ પ્રશંશા કરી રહ્યા છે . વૃદ્ધ મહિલાની કહાની શેર કરીને ઘણા યુઝર્સ (users) લખ્યું કે, જ્યારે તમે તમારી જાતને જીવનમાં હારી ગયેલા તરીકે ગણી રહ્યા છો, ત્યારે તેમની પાસેથી પ્રેરણા લો, કારણ કે આવા લોકો આપણી વચ્ચે ખૂબ જ પસંદગીયુક્ત હોય છે. અન્ય એક યુઝર્સ લખ્યું કે જીવન ક્યારેય બંધ ન થવું જોઈએ, ભલે ગમે તેટલી મુશ્કેલીઓ આવે. કેટલાક લોકો એવા છે જેઓ હવે પોતાની મહેનતના આધારે જીવન જીવે છે.

આ પણ વાંચો : Video: સ્વિમિંગ પુલમાં સ્ટન્ટ કરવા મહિલાને ભારે પડ્યા, દીદીની હાલત જોઈને તમે પણ હસીને લોટ પોટ થઈ જશો