Maharashtra: INS વિક્રાંત કેસમાં કિરીટ સોમૈયાને સતત બીજો ઝટકો, મુંબઈ સેશન્સ કોર્ટે પુત્રની આગોતરા જામીનની અરજી ફગાવી

મુંબઈ સેશન્સ કોર્ટે આજે (મંગળવાર, 12 એપ્રિલ) કિરીટ સોમૈયાના પુત્ર નીલ સોમૈયાની ધરપકડ પૂર્વેની જામીન અરજી પણ ફગાવી દીધી હતી. આ દરમિયાન આર્થિક ગુના શાખાની ટીમે કિરીટ સોમૈયાના ઘર અને ઓફિસને સમન્સ પાઠવ્યું છે.

Neel Somaiya & Kirit Somaiya

TV9 Gujarati | Edited By: Nidhi Bhatt | Updated on: Apr 12, 2022 | 6:58 PM

આઈએનએસ વિક્રાંત ફંડ (INS Vikrant Fund Case) કૌભાંડ કેસમાં મહારાષ્ટ્ર ભાજપના નેતા કિરીટ સોમૈયાને (Kirit Somaiya BJP) બીજો મોટો ઝટકો લાગ્યો છે. આજે (મંગળવાર, 12 એપ્રિલ) થયેલી સુનાવણીમાં મુંબઈ સેશન્સ કોર્ટે (Mumbai Sessions Court) કિરીટ સોમૈયાના પુત્ર નીલ સોમૈયાની આગોતરા જામીનની અરજી પણ ફગાવી દીધી છે. ગઈકાલે કિરીટ સોમૈયાની આગોતરા જામીન અરજી ફગાવી દેવામાં આવી હતી. આ પછી હવે સોમૈયા પિતા-પુત્ર પર ધરપકડની તલવાર લટકી રહી છે. આ દરમિયાન મુંબઈ પોલીસની ઈકોનોમિક ઓફેન્સ વિંગની ટીમ મુલુંડના મુંબઈ સ્થિત ઘર અને ઓફિસ પર પહોંચી હતી. ત્યાં કિરીટ સોમૈયા અને નીલ સોમૈયા મળ્યા ન હતા.

ઇકોનોમિક ઓફેન્સ વિંગની ટીમે કિરીટ સોમૈયાના ઘર અને ઓફિસને સમન્સ પાઠવ્યું છે. આવતીકાલે (13 એપ્રિલ, બુધવાર) સવારે 11 વાગ્યે બંનેને પૂછપરછ માટે બોલાવવામાં આવ્યા છે. હવે જોવાનું એ રહેશે કે આવતીકાલે સોમૈયા પિતા-પુત્ર પૂછપરછ માટે હાજર થશે કે નહીં.

મુંબઈ પોલીસ દ્વારા આ બીજી વખત સમન્સ આપવામાં આવ્યું છે. પ્રથમ વખત કિરીટ સોમૈયા ટ્રોમ્બે પોલીસ સ્ટેશન દ્વારા આપવામાં આવેલા સમન્સમાં હાજર થયા ન હતા. મુંબઈ પોલીસ દ્વારા આ બીજી વખત સમન્સ આપવામાં આવ્યું છે. પ્રથમ વખત કિરીટ સોમૈયા ટ્રોમ્બે પોલીસ સ્ટેશન દ્વારા આપવામાં આવેલા સમન્સમાં હાજર થયા ન હતા. કિરીટ સોમૈયા પોતાના પૂર્વ આયોજિત શેડ્યૂલ પર મુંબઈની બહાર ગયા છે. આથી પૂછપરછ માટે હાજર રહી શકતા નથી. આ દરમિયાન કોર્ટના નિર્ણય બાદ કિરીટ સોમૈયા અને નીલ સોમૈયાએ ધરપકડ પૂર્વ જામીન માટે હાઈકોર્ટનો સંપર્ક કરવાનો નિર્ણય કર્યો છે.

Web Stories View more

SBI પાસેથી 25 વર્ષ માટે 50 લાખની હોમ લોન પર EMI કેટલી આવે?

પ્રાઇવેટ જેટ.. દુબઈમાં વિલા મુકેશ અંબાણી છે આ 10 મોંઘી વસ્તુઓના માલિક

મુકેશ અંબાણી રિલાયન્સ ગુપ સાથે ક્યારે જોડાયા?

સલમાન ખાનની 'ગર્લફ્રેન્ડ' લુલિયા છે ખુબ સુંદર, જુઓ ફોટો

ઐશ્વર્યા રાય બચ્ચન તેના પતિ અભિષેક કરતાં કેટલી મોટી?

નાળિયેર પાણીમાં લીંબુનો રસ ભેળવીને પીવાથી થાય છે આ ગજબના ફાયદા, જાણો અહીં

INS વિક્રાંતને લઈને કિરીટ સોમૈયા પર છે આ આરોપ

શિવસેનાના સાંસદ સંજય રાઉતે આક્ષેપ કર્યો હતો કે કિરીટ સોમૈયાએ 2013-14ના ભારત-પાકિસ્તાન યુદ્ધમાં મહત્વની ભૂમિકા ભજવનાર યુદ્ધ જહાજ INS વિક્રાંતને ભંગારમાં જવાથી બચાવવા અને તેને યુદ્ધ સંગ્રહાલય બનાવવા માટે ‘સેવ વિક્રાંત’ નામનું અભિયાન શરૂ કર્યું હતું. આ અંતર્ગત સમગ્ર મહારાષ્ટ્રમાંથી લગભગ 57-58 કરોડ રૂપિયા દાન તરીકે જમા કરવામાં આવ્યા હતા.

કિરીટ સોમૈયાએ કહ્યું હતું કે તેઓ આ પૈસા રાજ્યપાલ પાસે જમા કરાવશે, જેથી વિક્રાંત જંકમાં ન જાય અને તેને દેશના સન્માનના પ્રતીક તરીકે મ્યુઝિયમમાં ફેરવી શકાય. પરંતુ કિરીટ સોમૈયાએ લોકોની દેશભક્તિની ભાવનાઓ સાથે રમત રમી અને એકઠા થયેલા પૈસા ચૂંટણીમાં અને પુત્રની કંપનીમાં ખર્ચ્યા. આ નાણાં બેંગકોક, થાઈલેન્ડ મોકલીને ઠેકાણે લગાવવમાં આવ્યા હતા.