બીજેપી નેતા કિરીટ સોમૈયાની (Kirit Somaiy BJP) પત્ની મેધા કિરીટ સોમૈયાએ આજે મુંબઈ હાઈકોર્ટમાં (Kirit Somaiy BJP) શિવસેના નેતા સંજય રાઉત વિરુદ્ધ 100 કરોડ રૂપિયાનો માનહાનિનો કેસ દાખલ કર્યો છે. તેણે આરોપ લગાવ્યો છે કે રાઉતે કોઈ પુરાવા વિના તેની પત્ની અને પરિવારને બદનામ કરવા માટે શૌચાલય કૌભાંડમાં તેનું નામ ખેંચ્યું છે. મેધા સોમૈયાએ અગાઉ 9 મેના રોજ શિવસેના સાંસદ સંજય રાઉત વિરુદ્ધ મુંબઈના મુલુંડ ઈસ્ટના નવઘર પોલીસ સ્ટેશનમાં માનહાનિની ફરિયાદ નોંધાવી હતી. તેમણે આરોપ લગાવ્યો હતો કે સંજય રાઉતે મીડિયામાં ખોટું નિવેદન આપ્યું છે.
મીડિયા રિપોર્ટ્સ અનુસાર, મેઘા સોમૈયાએ કહ્યું કે સંજય રાઉતે કોઈ પુરાવા વિના તેને અને તેના પરિવારને બદનામ કર્યો. મેધાએ વરિષ્ઠ નિરીક્ષકને સંજય રાઉત વિરુદ્ધ આઈપીસીની કલમ 503, 506 અને 509 હેઠળ એફઆઈઆર નોંધવા માટે ફરિયાદ કરી હતી. સંજય રાઉતે મેધા અને તેના પતિ પર મીરા ભાઈંદર મ્યુનિસિપલ કોર્પોરેશનના અધિકારક્ષેત્ર હેઠળના વિસ્તારમાં સાર્વજનિક શૌચાલયના નિર્માણમાં 100 કરોડ રૂપિયાના કૌભાંડમાં સામેલ હોવાનો આરોપ લગાવ્યો છે.
શિવસેનાના સાંસદ સંજય રાઉતે ભાજપના નેતા કિરીટ સોમૈયા (BJP) અને તેમની પત્ની પર જાહેર શૌચાલયના નિર્માણ અને જાળવણીમાં 100 કરોડ રૂપિયાના કૌભાંડમાં સામેલ હોવાનો આરોપ લગાવ્યો હતો. સંજય રાઉતે એમ પણ કહ્યું હતું કે મીરા ભાઈંદર મહાનગરપાલિકા અને મહારાષ્ટ્રના અન્ય વિસ્તારોમાં કરોડોનું શૌચાલય કૌભાંડ થયું છે. મતલબ વિચારો તેઓ ક્યાં – ક્યાં પૈસા ખાઈ શકે છે? વિક્રાંતથી લઈને શૌચાલય સુધી. સાંસદ સંજય રાઉતે કિરીટ સોમૈયાના પરિવાર પર પણ નિશાન સાધ્યું હતું. સંજય રાઉતે કહ્યું કે આ અંગે કાગળો આપવામાં આવ્યા છે. તેમનો પરિવાર યુવા પ્રતિષ્ઠાનના નામે સંસ્થા ચલાવે છે. તેમના દ્વારા 100 કરોડનું શૌચાલય કૌભાંડ થયું છે.
બીજેપી નેતા કિરીય સૌમેયાએ તેમના ઉપર શિવસૈનિકો દ્વારા હુમલાના મામલે દાવો કર્યો હતો કે, પોલીસે સ્વીકાર્યું છે કે તેમના પરના હુમલા સંબંધિત FIR નકલી છે. તેમાં તેની કોઈ સાઈન નથી. પોલીસે તેમને ઘટનાની અસલ FIR નોંધવા કહ્યું. પરંતુ આ દરમિયાન તેમને એક ફોન આવ્યો અને તે પછી પોલીસ અધિકારીએ અસલ FIRની કોપી ફાડી નાખી. સોમૈયાનો આરોપ છે કે મુખ્યમંત્રીના નિર્દેશ પર તેમને ફરિયાદ દાખલ કરવાથી રોકવામાં આવ્યા હતા.