Mumbai Local Train પકડવાના ચક્કરમાં મહિલા પડી ગઈ, ગાર્ડની સતર્કતાએ બચાવ્યો જીવ, જુઓ Video
મહિલા સુરક્ષા કર્મચારી સપના ગોલકરની સતર્કતા અને બહાદુરીના કારણે સંબંધિત મહિલાનો જીવ બચાવી શકાયો હતો. રેલવે વિભાગે ટ્વીટ કરીને આ જાણકારી આપી છે.
મુંબઈમાં ચાલતી લોકલ ટ્રેન પકડવાનો પ્રયાસ કરતી વખતે બેલેન્સ ગુમાવવાને કારણે એક મહિલા પડી ગઈ. આ ઘટના છે ભાયખલા રેલવે સ્ટેશનની. ભાયખલા રેલવે સ્ટેશન પર એક મહિલા ચાલતી ટ્રેનમાં ચઢવાનો પ્રયાસ કરી રહી હતી. આ પ્રયાસમાં તેનું સંતુલન ખોરવાઈ ગયું અને તે ટ્રેનના દરવાજા પરથી નીચે પડી ગઈ. મહિલા પડી કે તરત જ સ્ટેશન પર તૈનાત એક મહિલા રેલવે કર્મચારી દોડી ગઈ અને મહિલાને પકડીને બાજુ પર લઈ ગઈ. આ મહિલા કર્મચારીનું નામ છે સપના ગોલકર.
સપના ગોલકરની સતર્કતા અને બહાદુરીના કારણે સંબંધિત મહિલાનો જીવ બચાવી શકાયો હતો. રેલવે વિભાગે ટ્વીટ કરીને આ જાણકારી આપી છે. માહિતી આપવાની સાથે રેલ્વે વિભાગે એક વીડિયો પણ શેર કર્યો છે.
ટ્રેનમાં ચડતી વખતે પડી ગયેલી મહિલાના ગાર્ડે બચાવ્યો જીવ, સેન્ટ્રલ રેલ્વેએ તેની હિંમતને કર્યુ સલામ
दिनांक 21.11.2021 को भायखला रेलवे स्टेशन पर एक 40 वर्ष महिला चलती लोकल ट्रेन में चढने का प्रयास करते समय संतुलन बिगङने के कारण चलती लोकल से गिरते समय स्टेशन पर तैनात महिला आरक्षक सपना गोलकर ने महिला यात्री की जान बजाकर सराहनीय कार्य किया गया । @RailMinIndia pic.twitter.com/ozOpo2c8ZM
— GM Central Railway (@GM_CRly) November 22, 2021
ગોલકરના વખાણ અને અભિનંદન કરીએ તેટલા ઓછા છે
આ વીડિયોમાં મહિલા ચાલતી ટ્રેન પકડવાનો પ્રયાસ કરતી જોવા મળી રહી છે. ટ્રેન ધીમે-ધીમે ઝડપ પકડવા લાગે છે અને મહિલાનું સંતુલન ખોરવાઈ જાય છે. આ પછી મહિલા નીચે પડી જાય છે. આ દરમિયાન મહિલાને પડતી જોઈને રેલવે કર્મચારી સપના તે દોડતી મહિલાની નજીક પહોંચે છે અને ઝડપથી તેને સાઈડમાં કરે છે. આ દરમિયાન મુંબઈ લોકલ પ્લેટફોર્મ પર ઝડપથી નીકળી જાય છે. ગોલકરની આ સતર્કતા, સાવધાની અને હિંમતની ચારે તરફ પ્રશંસા થઈ રહી છે.
જ્યારે મોડું થઈ રહ્યુ છે તો ધ્યાન રાખવું જોઈએ કે ઘરે તમારા માટે રાહ જોઈ રહ્યુ છે
મુંબઈની લોકલ પકડવાની ઉતાવળમાં આવી ઘટનાઓ રોજ બને છે. પરંતુ આ ભૂલમાંથી બચવાનું સૌભાગ્ય સૌને મળતુ નથી. ઘણા લોકોને ભૂલ સુધારવાની તક મળતી નથી. જો તમને ક્યાંક જવાની ઉતાવળ હોય તો એકવાર રોકાઈ જાવ અને વિચારો કે કોઈ ઘરે તમારી લાંબા સમયથી રાહ જોઈ રહ્યું છે.
