શિયાળામાં હીટર ચાલુ રાખીને સૂતા હોવ તો જાણી લો આ વાત, નહીં તો વધશે તમારી મુશ્કેલી

શિયાળામાં રાત્રે હીટર ચાલુ રાખીને સૂવું ત્વચા, ગળા અને આંખોને સૂકવીને ડિહાઇડ્રેશન અને શ્વાસ સંબંધી સમસ્યાઓ વધારી શકે છે.

Sagar Solanki | Updated on: Nov 27, 2025 | 6:40 PM

શિયાળામાં રાત્રે ગરમ રહેવા માટે ઘણા લોકો હીટર ચાલુ રાખીને સૂવાનું પસંદ કરે છે, પરંતુ આ આદત શરીર માટે નુકસાનકારક બની શકે છે. હીટરનો યોગ્ય ઉપયોગ ન થાય તો તે ત્વચા, ગળો અને આંખો સૂકવી નાખે છે, તેમજ ડિહાઇડ્રેશન અને શ્વસન સમસ્યાઓનું જોખમ વધારી શકે છે. તેથી, હીટરનો સાચો અને સુરક્ષિત ઉપયોગ કરવો ખૂબ જરૂરી છે. આ વિષય પર ચાલો ડૉ. સુભાષ ગિરી પાસેથી જાણીએ.

સતત હીટર ચાલવાથી શરીર પર શું અસર થાય છે?

સતત હીટર ચાલવાથી રૂમની હવામાંથી ભેજ ઓછી થાય છે અને હવા અત્યંત સૂકી બને છે. તેના કારણે:
ત્વચા, હોઠ અને ગળામાં સૂકાપો
નાકમાં બળતરા અને આંખોમાં ખંજવાળ
ડિહાઇડ્રેશન અને થાક
ઊંઘની ગુણવત્તામાં ઘટાડો
અસ્થમા અને એલર્જી ધરાવતા લોકોમાં વધતી તકલીફ
ખાસ કરીને બાળકો, વૃદ્ધો અને શરદી–ઉધરસવાળા લોકો માટે આ વધુ જોખમકારક છે.

ડૉ. સુભાષ ગિરી શું સલાહ આપે છે?

RML હોસ્પિટલના મેડિસીન વિભાગના ડૉ. સુભાષ ગિરી અનુસાર. હીટર ચાલુ રાખીને સૂવામાં કંઈ ખોટું નથી, પરંતુ તેનો યોગ્ય રીતે ઉપયોગ કરવાથી જ નુકસાન ટાળી શકાય છે. હીટરનો સુરક્ષિત ઉપયોગ કરવા માટે ડૉક્ટર વિવિધ સલાહ આપે છે.