Shimla Travels Tips: શિમલા સાથે જોડાયેલી આ રસપ્રદ વાતો બહુ ઓછા લોકો જાણે છે !

શિમલા (Shimla) ભારતના સૌથી સુંદર હિલ સ્ટેશનોમાંથી એક, પ્રવાસીઓનું પ્રિય પર્યટન સ્થળ (Tourist Place) માનવામાં આવે છે. પહાડોના સુંદર નજારા અને આરામદાયક વાતાવરણને કારણે આ સ્થળ દુનિયાભરના પ્રવાસીઓને આકર્ષે છે. ખાસ વાત એ છે કે જો તમે ઓછા બજેટમાં ફેમિલી અથવા સોલો ટ્રિપ (Solo Trip) નો આનંદ લેવા માંગતા હોય તો તમારે શિમલાને તમારું ડેસ્ટિનેશન બનાવવામાં ખોટું નથી. જો કે હિમાચલ પ્રદેશ (Himachal Pradesh) માં ઘણા શ્રેષ્ઠ હિલ સ્ટેશન છે, પરંતુ શિમલાની વાત અલગ છે. એવું કહેવાય છે કે પ્રવાસીઓ આ સ્થળની મુલાકાત એક વાર નહીં પરંતુ ઘણી વખત પસંદ કરે છે. શિમલામાં ઘણી મનોહર અને સુંદર જગ્યાઓ છે, જ્યાં તમે ફરીને યાદગાર પળોને હંમેશા તમારી સ્મૃતિમાં કેદ કરી શકો છો.

ઉત્તર ભારતની સૌથી જૂની પોસ્ટ ઓફિસ

અહીં એક ખૂબ જ જૂની પોસ્ટ ઓફિસ આવેલી છે, જે 1882માં બનાવવામાં આવી હતી. તેને શિમલામાં જનરલ પોસ્ટ ઓફિસ કહેવામાં આવે છે. કહેવાય છે કે અંગ્રેજોના સમયમાં આ પોસ્ટ ઓફિસનો રંગ લીલો અને સફેદ હતો, પરંતુ બાદમાં તેને બદલીને લાલ અને સફેદ કરી દેવામાં આવ્યો. ભલે આ સ્થળ પ્રવાસીઓમાં એટલું પ્રખ્યાત નથી, પરંતુ ઇતિહાસ પ્રેમીઓને આ ઐતિહાસિક ઇમારતમાં ઘણી રસપ્રદ બાબતો જાણવા મળશે.

શિમલા મિર્ચ

તમે તેને કેપ્સિકમ અને બેલ પેપર તરીકે જાણતા હશો, પરંતુ તેનો ઇતિહાસ હિમાચલ પ્રદેશને બદલે શિમલા સાથે જોડાયેલો છે. એવું કહેવાય છે કે અંગ્રેજ શાસકો આ પ્રકારના મરચાં ભારતમાં લાવ્યા હતા અને કહેવાય છે કે તેઓએ તેની ખેતી શિમલામાં શરૂ કરી હતી. તેઓએ આ પહાડી જગ્યાએ મોટા પાયે તેનું ઉત્પાદન કરવાનું નક્કી કર્યું અને આજે તે સમગ્ર ભારતમાં ખૂબ જ ખવાય છે.

શિમલા ક્યાં આવેલું છે?

તમને જણાવી દઈએ કે બીજી એક રસપ્રદ વાત શિમલા સાથે જોડાયેલી છે અને તે એ છે કે આ વિસ્તાર સાત ટેકરીઓની ટોચ પર આવેલો છે. જો કે તેનો વિસ્તાર વિકાસને કારણે ફેલાયો છે, પરંતુ એવું કહેવાય છે કે શરૂઆતમાં તે સાત ટેકરીઓ પર વસેલો હતો. અહી સ્થિત જખુ ટેકરીને સૌથી ઉંચુ શિખર માનવામાં આવે છે અને આ સ્થાન પર હનુમાનજીનું પ્રખ્યાત મંદિર પણ છે.

શિમલાનું નામ દેવીના નામ પરથી પડ્યું

એવું કહેવાય છે કે મા મહાકાળીના સ્વરૂપ શ્યામલા દેવીના નામ પરથી આ સ્થળનું નામ શિમલા રાખવામાં આવ્યું છે. આ સાથે જ અહીં મહાકાળીનું એક મંદિર પણ છે, જેનું નામ કાલી બારી મંદિર છે અને તે કોલકાતામાં હાજર દક્ષિણેશ્વર મંદિર જેવું લાગે છે.

આ પણ વાંચો: Bhakti: ઇમ્ફાલના મહારાજાએ બનાવ્યું હતું શ્રી ગોવિંદજી મંદિર, અહી દર્શન માટે કરવું પડશે કડક નિયમોનુ પાલન

આ પણ વાંચો: Statue of Equality: કેન્દ્રીય મંત્રી અનુરાગ ઠાકુરે કહ્યુ- ‘સ્ટેચ્યુ ઓફ ઈક્વાલિટી’ દેશ અને વિશ્વ માટે એક મોટી ભેટ