વરસાદની(Rain ) મોસમ ઉનાળામાં રાહત(Relief ) તરીકે કામ કરે છે. આ સિઝનમાં તમે ચારેબાજુ હરિયાળીના સુંદર નજારા જોઈ શકશો. સુંદર નજારો તમારું મન મોહી લેશે. આ સિઝનમાં(Season ) તમે ગરમ ચા સાથે વરસાદની મજા માણી શકો છો. બીજી તરફ ચાની સાથે સ્વાદિષ્ટ નાસ્તો પણ હોય તો વરસાદની મજા બમણી થઈ જાય છે. આ સિઝનમાં તમે ચા સાથે વિવિધ પ્રકારના સ્વાદિષ્ટ નાસ્તાની મજા માણી શકો છો. આ નાસ્તા બનાવવામાં વધારે સમય નથી લાગતો. આ ખૂબ જ સ્વાદિષ્ટ હોય છે. ચાલો જાણીએ કે ચા સાથે તમે કયા નાસ્તાની મજા માણી શકો છો.
બ્રેડ પકોડા એક લોકપ્રિય નાસ્તો છે. તે વરસાદની મોસમમાં લગભગ દરેક ઘરમાં બને છે. બ્રેડના ટુકડાને ચણાના લોટના તીખા ખીરામાં બોળીને તળવામાં આવે છે. તેમાં ચીઝ અથવા બટાકાની ભરણ પણ હોય છે. બ્રેડ પકોડા સામાન્ય રીતે ચોમાસા કે શિયાળામાં મસાલા અથવા આદુની ચા સાથે ખાવામાં આવે છે.
સ્પ્રિંગ રોલ્સ એ એક લોકપ્રિય નાસ્તો છે. તમે વરસાદની મોસમમાં સાંજે કોફી અને કેચઅપ સાથે સ્પ્રિંગ રોલ્સ પણ ખાઈ શકો છો. તેમાં કોબી, ગાજર અને સ્પ્રિંગ ઓનિયનનું ભરણ હોય છે. તમે સાંજે તેમને માણી શકો છો.
કચોરી એ રાજસ્થાનમાં લોકપ્રિય અને સ્વાદિષ્ટ નાસ્તો છે. તેને લીલી ચટણી સાથે પીરસવામાં આવે છે. જ્યારે ગરમ પીરસવામાં આવે ત્યારે તેનો સ્વાદ શ્રેષ્ઠ લાગે છે. તેમાં મસૂર અથવા ડુંગળીનું ભરણ હોય છે. સાંજના નાસ્તામાં તે ખૂબ જ પસંદ કરવામાં આવે છે.
ખાસ કરીને બાળકોને આ નાસ્તો ખૂબ જ ગમે છે. તે રેસ્ટોરાંમાં સરળતાથી ઉપલબ્ધ છે. તમે તેને ડીપ ફ્રાય કરવાને બદલે બેક પણ કરી શકો છો. તેને મસાલેદાર બનાવવા માટે એક ચપટી મીઠું, મરી અને ચીલી ફ્લેક્સનો ઉપયોગ કરવામાં આવે છે. તમે તેને વરસાદની મોસમમાં ચા કે કોફી સાથે સર્વ કરી શકો છો.
ફ્રુટ ચાટ હંમેશાથી દરેકની ફેવરેટ રહી છે. તમે વરસાદની મોસમમાં મોસમી ફળોનો ઉપયોગ કરીને ફ્રુટ ચાટ બનાવી શકો છો. સ્વાદ વધારવા માટે તેમાં ચાટ મસાલો અને કાળા મરી ઉમેરો. તમે સવારે કે સાંજે આ ચાટનું સેવન કરી શકો છો. તે ખૂબ જ સ્વાદિષ્ટ હોવાની સાથે સાથે ખૂબ જ હેલ્ધી પણ છે.