ચોમાસામાં પુરુષોએ ફોલો કરવુ જોઈએ આ Skin Care Routine, ત્વચાની સમસ્યાઓમાંથી મળશે છુટકારો

ચોમાસામાં (Monsoon) વરસાદ આવતા જ કાળજાળ રાહતમાંથી રાહત તો મળે છે, પણ વરસાદને કારણે લોકોને અનેક સમસ્યાનો સામનો પણ કરવો પડે છે. ઋતુગત બીમારીઓ, મચ્છરોને કારણે થતી બીમારીઓ, વાળની સમસ્યા અને ત્વચાને લગતી સમસ્યાઓ લોકોને વારંવાર થતી હોય છે. તેનાથી બચવા સાવચેતીના પગલા લેવા જોઈએ, નહીં તો આ સમસ્યાઓ વધી શકે છે અને તમારે હોસ્પિટલના બિલ પણ ભરવા પડી શકે છે. તેથી યોગ્ય સમયે  પગલા લેવા જરુરી છે. ચોમાસામાં માત્ર મહિલાઓ જ નહીં પુરૂષોએ પણ પોતાની કાળજી લેવી જરૂરી છે. પરંતુ આજની વ્યસ્ત જીવનશૈલીના કારણે પુરુષોને તેમની ત્વચાની સંભાળ (Skin Care) લેવા માટે સમય નથી મળતો. આ અહેવાલમાં કેટલીક ટિપ્સ ફોલો કરી શકો છો. તેની મદદથી તમને તમારી ત્વચાની સંભાળ રાખવામાં મદદ મળશે.

ચોમાસામાં પુરુષોએ ફોલો કરો આ સ્કિન કેર-

તમારી દાઢી અને વાળ સુવ્યવસ્થિત કરો – ચોમાસામાં મોટી દાઢી અને વાળ રાખવાનું ટાળો. કારણ કે લાંબા વાળ રાખવાથી ચોમાસામાં ડેન્ડ્રફ અને વાળ ખરવાની સમસ્યા થઈ શકે છે. મોટી દાઢી રાખવાથી ઈન્ફેક્શન થઈ શકે છે. તેથી પુરુષોએ આ ઋતુમાં પોતાના વાળ અને દાઢી ટૂંકા રાખવા જોઈએ.

સીરમનો ઉપયોગ કરો – ત્વચાને હાઇડ્રેટ રાખવા માટે ચોમાસામાં ક્રીમને બદલે સીરમનો ઉપયોગ કરવો વધુ સારું છે. તમને જણાવી દઈએ કે સીરમ ત્વચાને પોષણ આપવાની સાથે ત્વચાને કોમળ બનાવે છે, આ સિવાય સીરમ ત્વચામાંથી વધારાનું તેલ દૂર કરવાનું પણ કામ કરે છે.

ત્વચાની સંભાળ રાખવાની ટિપ્સ – ચોમાસામાં ત્વચા ક્યારેક તૈલી તો ક્યારેક સૂકી થઈ જાય છે. તેથી ચોમાસામાં એવી જ વસ્તુઓનો ઉપયોગ કરવો જોઈએ જે ત્વચાને સ્વસ્થ અને પોષણ આપે. સાથે જ પુરુષોએ આ સિઝનમાં પોતાની ત્વચાને સ્વસ્થ રાખવા માટે ચહેરા પર ક્રીમ લગાવવી જ જોઈએ. તે જ સમયે, પુરુષોએ અઠવાડિયામાં બે વાર સ્ક્રબ કરવું જોઈએ.

DIY ફેસ પેકનો ઉપયોગ કરો – ચોમાસામાં બહાર મોંઘા ઉત્પાદનો વાપરવાને બદલે DIY ફેસ પેકનો ઉપયોગ કરો. DIY ફેસ પેક એટલે ઘરઘથ્થૂ સામગ્રીમાંથી બનાવવામાં આવતા ફેસ પેક.આ ફેસ પેક ચહેરાને કોઈ નુકસાન કરતા નથી. તે જ સમયે, પુરુષો તેમના ચહેરા પર એલોવેરા, મુલતાની માટી અને મધના ફેસ પેકનો ઉપયોગ કરી શકે છે.

નોંધ : આ લેખ માત્ર જાણકારી માટે છે. તેનો ઉપયોગ પુર્વે આપ આપના તબીબ અથવા તજજ્ઞોની સલાહ ખાસ લેવી