રાજસ્થાનના જાલોર જીલ્લામાં મધ્યરાતથી ભારે વરસાદ,પવિત્ર યાત્રાધામ સુંધા પર્વત પર પૂર જેવી પરિસ્થિતિ,સુંધામાતાના ભક્તોમાં આનંદની લાગણી

રાજસ્થાનના જાલોર જીલ્લામાં મધ્યરાતથી ભારે વરસાદ થયો છે. જાલોર જીલ્લાના પવિત્ર યાત્રાધામ સુંધા પર્વત પર વરસાદના ધસમસતા પાણી જોવા મળી રહ્યા છે. પર્વતીય વિસ્તારમાં થયેલા ભારે વરસાદના કારણે સુંધા પર્વત પર નદી વહેતી હોય તેવા દ્રશ્યો કેમેરામાં કેદ થયા છે.

બનાસકાંઠામાં 2017માં જ્યારે પુર આવ્યું હતું ત્યારે પણ જાલોર જીલ્લામાં ભારે વરસાદ થયો હતો અને ત્યારે સુંધા પર્વત પર આ જ પ્રકારના દ્રશ્યો દેખાયા હતા. ત્રણ વર્ષ બાદ થયેલા ભારે વરસાદના કારણે ફરી એકવાર પવિત્ર યાત્રાધામ સુંધા પર્વત પર નદીઓ વહેતી થઇ છે. જેના કારણે સ્થાનિક લોકો તેમજ સુંધામાતાના ભક્તોમાં આનંદની લાગણી છવાઇ છે.

સુંધા પર્વત પર તેની આજુબાજુ મોટો પર્વતીય વિસ્તાર આવેલો છે અને તેના કારણે જ્યારે પણ ભારે વરસાદ થાય છે ત્યારે પાણી મંદિર ના પગથીયા સુધી વહેવા લાગે છે દર વર્ષે લાખું ગુજરાતી ભક્તો માં ચામુંડા ના દર્શન કરવા માટે સુંધા પર્વત પર જાય છે.

કુલદિપ પરમાર- બનાસકાંઠા

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો