પર્યટકો ભરેલી જીપની પાછળ પડ્યો ડાલામથ્થો સિંહ, VIDEO સોશિયલ મીડિયામાં થયો વાયરલ

તમે જીપમાં બેસીને જંગલ સફારીની મજા માણતા હોય અને અચાનક જ સિંહ તમારી પાછળ પડે તો!. કર્ણાટકના બેલ્લારીમાં કંઈક આવી જ ઘટના બની હતી. જ્યાં એક ડાલામથ્થાના ગુસ્સાનો શિકાર બન્યા પર્યટકો. પ્રથમ દ્રષ્ટિએ ફિલ્મી દ્રશ્યો લાગતા આ VIDEOમાં જોઈ શકાય છે કે સિંહ પર્યટકોથી ભરેલી ગાડીની પાછળ દોટ મૂકે છે.

આ પણ વાંચો: સસ્પેન્ડેડ IAS ગૌરવ દહીયા વિવાદ કેસ: દહીયાની પત્નીએ હાઇકોર્ટમાં કરેલી અરજી પરત ખેંચી

સિંહ પાછળ પડતા જ જીપમાં સવાર લોકોના જીવ અધ્ધર થઈ જાય છે અને જીપનો ડ્રાઈવર જીપને ઝડપથી હંકારી મૂકે છે. ધીમે ધીમે સિંહ પાછળ રહી જતા જીપને ધીમી પાડે છે, ત્યાં તો થોડી ક્ષણોમાં જ જંગલનો રાજા દોડીને નજીક આવી જાય છે. આવી રીતે પર્યટકો ભરેલી જીપ અને સિંહ વચ્ચે અડધા કિલોમીટર સુધી સંતાકૂકડીની રમત ચાલે છે. સદનસીબે આ ઘટનામાં કોઈને જાનહાનિ નથી થઈ. સોશિયલ મીડિયામાં આ VIDEO ઝડપથી વાયરલ થઈ રહ્યો છે.