નવનિયુક્ત પ્રદેશ ભાજપ અધ્યક્ષ સી.આર.પાટીલ ની અધ્યક્ષતા માં કમલમ પ્રથમ ભાજપ કોર ગ્રુપ ની બેઠક મળી છે.કોર ગ્રુપની આ બેઠકમાં આગામી સમયે આવનાર વિધાનસભાની પેટા ચૂંટણીઓ અને સંગઠન સરચના અંગે રોડ મેપ તૈયાર કરવામાં આવશે.
ભાજપ પ્રદેશ પ્રમુખનો પદભાર સાંભળતાની સાથે જ યોજાયેલ આ કોર ગ્રુપ ની બેઠકમાં રાષ્ટ્રિય સહસંગઠન મહામંત્રી વી સતીશ, પૂર્વે પ્રદેશ અધ્યક્ષ જીતુ વાઘાણી, પ્રદેશ ભાજપ સહસંગઠન મહામંત્રી ભીખુ દાલસાણીયા, મહામંત્રી શબ્દસરણ બ્રહ્મભટ્ટ, કે.સી.પટેલ, ભરતસિંહ પરમાર, ઉપાધ્યક્ષ ભાર્ગવભટ્ટ, આઈ.કે.જાડેજા અને પ્રદેશ પ્રવક્તા ભરત પંડ્યાની હાજરીમાં આગામી દિવસોમાં યોજાનાર વિધાનસભાની પેટા ચૂંટણીમાં વર્તમાન કોરોના પરિસ્થિતિમાં કેવા પ્રકારે ચૂંટણી પ્રચાર અને જીતની રણ નીતિ અંગે ચર્ચા કરવામાં આવી છે. તો જિલ્લા પ્રમુખ અને સંગઠન અંગે પણ વિગતવાર ચર્ચા કરવામાં આવી છે.
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો
પ્રદેશ પ્રમુખે પ્રથમ કોર ગ્રુપ ની બેઠક પૂર્ણ થયા બાદ દિલ્લી ખાતે રવાના થવાના છે. દિલ્લી ખાતે પ્રધાન મંત્રી નરેન્દ્ર મોદી, કેન્દ્રી ગૃહ મંત્રી અમિત શાહ અને રાષ્ટીય અધ્યક્ષ જે પી નડા સાથે મુલાકાત કરી શુક્રવાર 24 જુલાઈ ખાતે સુરત જશે. 24 વર્ષે બાદ દક્ષિણ ગુજરાત ને પ્રમુખ પદ મળ્યું છે ત્યારે સુરત ખાતે નવનિયુક્ત પ્રદેશ ભાજપ પ્રમુખનું સ્વાગત કરવામાં આવશે.
રોચક VIDEO જોવા માટે TV9Gujaratiના YOUTUBE પેજને SUBSCRIBE કરો