હેલ્મેટ વગર પેટ્રોલપંપ જવાવાળા લોકોને નહીં મળે પેટ્રોલ, 1 જૂનથી લાગૂ થશે નવો નિયમ

ઉત્તરપ્રદેશના ગૌતમ બુધ નગર જિલ્લામાં 1 જૂનથી હેલ્મેટ વગર પેટ્રોલપંપ પર પેટ્રોલ ભરાવવા જતા ટૂ-વ્હીલર વાહન ચાલકને પેટ્રોલ આપવામાં નહીં આવે. જિલ્લા અધિકારી બૃજેશ નારાયણ સિંહે આ મુદ્દે જિલ્લાના બધા જ પેટ્રોલપંપ ડીલરોની સાથે એક બેઠક કરી હતી. બેઠકમાં તેમને આ નિર્ણયનું કડક પાલન કરવાનો આદેશ આપ્યો છે.

જિલ્લા અધિકારીએ કહ્યું કે માર્ગ સલામતીની જાગરૂકતાના ઉદ્દેશ્યથી આ નિર્ણય લેવામાં આવ્યો છે. 31મે પછી જિલ્લાના કોઈ પણ પેટ્રોલપંપ પર હેલ્મેટ વગર આવેલા ટુ-વ્હીલર ચાલકોને પેટ્રોલ આપવામાં નહીં આવે. તેમને કહ્યું કે માર્ગ અકસ્માતમાં દિવસે દિવસે વધારો થતો જાય છે, તેથી તેને ધ્યાનમાં રાખીને આ પગલુ ભરવામાં આવ્યું છે.

જિલ્લા અધિકારીએ વધુમાં જણાવ્યું કે મોટર વાહન એક્ટ 1988ની કલમ 129 હેઠળ વાહન ચાલક તથા પાછળ બેસનાર દ્વારા કોઈ પણ ટુ-વ્હીલરની સવારી કરતા હેલ્મેટ પહેરવુ ફરજીયાત છે. આ રીતે હેલ્મેટ ન પહેરવુ IPCની કલમ 188 હેઠળ પણ એક ગુન્હો છે. જેમાં 6 મહિના સુધીની જેલની સજા થઈ શકે છે.

આ પણ વાંચો: જુઓ VIDEO:સુરતમાં ફાયર સેફટી મુદ્દે ફાયર બ્રિગેડ ટીમની મોટી કાર્યવાહી

તેમને કહ્યું કે પેટ્રોલપંપ ડીલરોને આદેશ આપવામાં આવ્યો છે કે તે તેમના પેટ્રોલપંપ પર CCTV કેમેરા જરૂર લગાવે. તેનાથી હેલ્મેટ વગર પેટ્રોલ ભરાવવા આવતા લોકોને કેમેરામાં કેદ કરી શકાય.

[youtube_channel resource=0 cache=300 random=1 fetch=10 num=1 ratio=3 responsive=1 width=306 display=thumbnail thumb_quality=hqdefault autoplay=1 norel=1 nobrand=1 showtitle=above titletag=h3 desclen=0 noanno=1 noinfo=1 link_to=channel goto_txt=”Watch more interesting videos on TV9 Gujarati YouTube channel”]