બનાસ ડેરીની ચૂંટણી: શંકર ચૌધરી ઉમેદવારી ફોર્મ ભરશે, ચૂંટણીમાં મોટાભાગની બેઠકો બિનહરીફ થાય તેવી શકયતા

બનાસકાંઠાની બનાસ ડેરીની ચૂંટણીમાં આજે ચેરમેન શંકર ચૌધરી ઉમેદવારી ફોર્મ ભરશે જેમાં જિલ્લાના ધારાસભ્યો સહિત ભાજપના મોટા આગેવાનો ઉપસ્થિત રહે તેવી શક્યતા છે. ઉમેદવારી નોંધવા માટે હવે માત્ર બે દિવસ બાકી છે અને અત્યાર સુધી ચાર ઉમેદવારોએ નોંધાવી છે ઉમેદવારી કે જે ચારેય ઉમેદવાર વર્તમાન નિયામક મંડળના સભ્ય છે. બનાસ ડેરીની ચૂંટણીમાં મોટાભાગની બેઠકો બિનહરીફ થાય તેવી શકયતા છે કેમકે વર્તમાન નિયામક મંડળ સામે કોઈ પેનલ ચૂંટણી લડે તેવી શક્યતા નહિવત્ જોવાઈ રહી છે.