International News : અમેરિકન કંપનીએ ભારતીયો માટે અનોખી નોકરીની વેકેન્સી બહાર પાડી! જાણો શું કરવાનું રહેશે?

International News: અમેરિકાની (America) એક કંપનીએ એવી નોકરી માટે વેકેન્સી બહાર પાડી છે, જે ન તો પહેલા જોવાઇ છે કે ન તો પહેલા સંભળાઇ છે. આ નોકરી વિશે જાણીને તમે હેરાન થઇ જશો. આ માટે નોકરીની ચર્ચા દરેક જગ્યા પર થઇ રહી છે. આ નોકરી વર્ચ્યુઅલ સુપરવિઝનની છે. આ નોકરી માટે સિલેક્ટ થયેલા વ્યક્તિએ કરવાનું એ રહેશે કે ભલે તેઓ સુપરવાઇઝર સાઇટ પર ઉપસ્થિત ન હોય પરંતુ કર્મચારીને કામ પર કોઇપણ પ્રકારની કમી રાખવા નહિ દે. આ કામ માટે કંપની મહિને 30 હજાર રુપિયા આપશે.

સાંકેતિક તસ્વીર

આ કામ માટે સિલેક્ટ થનારા વ્યક્તિએ સીસીટીવી ફીડને મોનિટર કરવાની છે. આ કામ માટે કંપની પૈસા પણ સારા ઓફર કરી રહી છે. અત્યારે હરિયાણાના કરનાલમાં ઓપનિંગ છે. આ નોકરી દરમિયાન ચોર અને લુંટારાઓના આવવા પર અવાજ કરવાનો રહેશે અને સચેત કરવાનુ રહેશે કે પોલીસ સુધી આ જાણકારી આપી દેવામાં આવી છે.

નોકરી પર રહેનારાઓની આ જવાબદારી રહેશે કે તેઓ કંપનીની બિઝનેસ ફીડને 24 કલાક મોનિટર કરી તેના પર રિપોર્ટ તૈયાર કરશે. Live Eye Surveillance ની વેબસાઇટ પર આ પોસ્ટને Process Analyst નામ આપવામાં આવ્યુ છે. નોકરી કરનારાઓ 12 પાસ હોવા જોઇએ. આ સાથે તેમની પાસે બેઝિક કમ્પ્યુટર સ્કિલ હોવી જરુરી છે. આ સિવાય સારી વાત કરવાની અને શીખવાની ક્ષમતા પણ હોવી જોઇએ. અમેરિકાની આ કંપની આ કામ માટે ભારતીયોને મહત્વ આપી રહી છે.