યુએસ પ્રમુખ ડોનાલ્ડ ટ્રમ્પે માત્ર આઠ કલાકના સમયગાળામાં ઈરાન સાથેના યુદ્ધ અંગે યુ-ટર્ન લીધો છે. શરૂઆતમાં સત્તાના ઉપયોગ દ્વારા શાંતિ પ્રાપ્ત કરવાની પ્રતિજ્ઞા લેનારા ટ્રમ્પે હવે જાહેરાત કરી છે કે તેઓ પાંચ દિવસ બળનો ઉપયોગ નહીં કરે. ટ્રમ્પના મતે, ઈરાન સાથે યુદ્ધવિરામ અંગે હાલમાં ચર્ચા ચાલી રહી છે. આ વાટાઘાટો આખા અઠવાડિયા દરમિયાન ચાલુ રહેવાની અપેક્ષા છે. પરિણામે, ઈરાનની કોઈપણ હુમલો કરવામાં નહીં આવે. જો કે ઈરાને આ સમગ્ર ઘટનાક્રમને ટ્રમ્પની હાર તરીકે દર્શાવ્યો છે. સરકારી મીડિયા અનુસાર, ડોનાલ્ડ ટ્રમ્પે ઈરાન સામેના યુદ્ધમાંથી પીછેહઠ કરી છે.

24દિવસના સંઘર્ષ દરમિયાન, ઈરાને ડ્રોન, મિસાઈલ અને હોર્મુઝ સ્ટ્રેટ પર નિયંત્રણનો ઉપયોગ કરીને, યુનાઇટેડ સ્ટેટ્સને ઘૂંટણિયે લાવી દીધુ. આ જ કારણ છે કે ટ્રમ્પે આજે સોમવારે સવારે યુદ્ધને લંબાવવાને બદલે વિરામની હિમાયત કરી રહ્યા છે. યુદ્ધવિરામની હાકલ કરવાનું ટ્રમ્પે કેમ શરૂ કર્યું. હવે પ્રશ્ન એ ઉભો થાય છે કે આ બધું કેવી રીતે થયું?

અમેરિકા વધુ લશ્કરી કાર્યવાહીથી પાછળ હટી ગયું

જ્યારે યુદ્ધ પહેલી વાર ફાટી નીકળ્યુ, ત્યારે મોસાદે યુએસ રાષ્ટ્રપતિને એક બ્રીફિંગ રજૂ કરી હતી. આ બ્રીફિંગમાં એવું દર્શાવવામાં આવ્યું હતું કે, હવાઈ હુમલાના પ્રારંભિક તબક્કા પછી, ઈરાની જનતા વિરોધમાં રસ્તાઓ પર ઉતરશે. મોસાદે એવી આગાહી કરી હતી કે, જો જનતા મેદાનમાં ઉતરશે તો, ઈરાનની ઈસ્લામિક રિપબ્લિકની સરકારને સત્તા પરથી ઉથલી જશે.

મોસાદની આ વાતને સાચી માનીને, ટ્રમ્પે ઇઝરાયલની સાથે મળીને 28મી ફેબ્રુઆરીના રોજ, ઈરાનના સુપ્રીમ લીડર ખામેનેઈની હત્યા કરી. અમેરિકા-ઈઝરાયેલે ઈરાનના અલી લારીજાનીની પણ હત્યા કરી. છતાં, આટલી મોટી કાર્યવાહી છતાં, ઈરાની જનતા રસ્તાઓ પર ઉતરી ના હતી.

અમેરિકા પર ગલ્ફ રાષ્ટ્રોનું દબાણ

અમેરિકા ઉપર ગલ્ફ રાષ્ટ્રો ખાસ કરીને ઓમાન, કતાર અને સાઉદી અરેબિયા તરફથી દબાણ આવ્યું હતું. આ દેશોએ દલીલ કરી હતી કે, જ્યારે ઇઝરાયલ યુદ્ધનો લાભ મેળવી રહ્યું હતું, ત્યારે તેઓ નુકસાનનો ભોગ બન્યા હતા. ગલ્ફ રાષ્ટ્રોએ એવો પણ સંકેત આપ્યો હતો કે, તેઓ યુનાઇટેડ સ્ટેટ્સ સાથેના તેમના રાજદ્વારી સંબંધોના સ્વરૂપ પર પુનર્વિચાર કરી શકે છે.

અમેરિકા અને રાષ્ટ્રપતિ ડોનાલ્ડ ટ્રમ્પ બંનેનું ગલ્ફ ક્ષેત્રમાં નોંધપાત્ર રોકાણ છે. *એક મીડિયા અહેવાલ મુજબ, જો અમેરિકા ઈરાનના કોઈપણ ક્રુડ-ગેસ માળખા પર હુમલો કરે, તો તેહરાને પહેલાથી જ ગલ્ફ રાષ્ટ્રોને પાયમાલ કરવાની યોજના બનાવી લીધી હતી. ઈરાને આ યોજના હેઠળ, બહેરીન, જોર્ડન, સાઉદી અરેબિયા, કતાર અને કુવૈતમાં તેલ અને ગેસ સુવિધાઓ હુમલાઓ કર્યાં પણ ખરા.

કતરે તાજેતરમાં જ યુનાઇટેડ સ્ટેટ્સ પ્રત્યે નારાજગી વ્યક્ત કરી હતી. ગલ્ફ રાષ્ટ્રો મક્કમ હતા કે તેમના પ્રદેશો અને સુવિધાઓ પર લશ્કરી હુમલા ન કરવા જોઈએ.

હોર્મુઝ સ્ટ્રેટ ખોલવાનો કોઈ વ્યવહારુ વિકલ્પ ના મળ્યો

મીડિયા રિપોર્ટ અનુસાર ડોનાલ્ડ ટ્રમ્પે તેમના રાષ્ટ્રીય સુરક્ષા સલાહકાર, ડેન કોટ્સ સાથે હોર્મુઝ સ્ટ્રેટ અંગે બેઠક યોજી હતી. આ બેઠક દરમિયાન, ટ્રમ્પે કોટ્સને પૂછ્યું: “તમે લોકો હોર્મુઝ સ્ટ્રેટમાં યુદ્ધ જહાજો કેમ નથી મોકલી રહ્યા?” કોટ્સે જવાબ આપ્યો કે યુદ્ધ જહાજો તહેનાત કરીને હોર્મુઝ સ્ટ્રેટની પરિસ્થિતિનો ઉકેલ લાવી શકાતો નથી. કોટ્સના મતે, હોર્મુઝ સ્ટ્રેટ એક અત્યંત સાંકડો જળમાર્ગ છે. જો ત્યાં યુદ્ધ જહાજો તહેનાત કરવામાં આવે, તો આ સામુદ્રધુની લાંબા સમય સુધી અવરોધિત રહી શકે છે. એક એવી પરિસ્થિતિ સર્જાઈ શકે છે જે વૈશ્વિક કટોકટીનું કારણ બની શકે છે. કોટ્સે વધુમાં નોંધ્યું હતું કે આવા મર્યાદિત પાણીમાં એક નાનું ઈરાની જહાજ પણ યુએસ યુદ્ધ જહાજને નુકસાન પહોંચાડી શકે છે, જે યુનાઇટેડ સ્ટેટ્સ માટે ખૂબ જ શરમજનક પરિણામ હશે.

નાટો અને વૈશ્વિક સમુદાય તરફથી સમર્થન નહીં

શરૂઆતમાં, ટ્રમ્પે અનુમાન લગાવ્યું હતું કે, ઈરાન સામે સંભવિત સંઘર્ષમાં તેમને નાટો અથવા વિશ્વભરના અન્ય રાષ્ટ્રો તરફથી સમર્થન મળશે. જો કે, જ્યારે સહાયનો સમય આવ્યો, ત્યારે આ બધા રાષ્ટ્રોએ તેમનો ટેકો પાછો ખેંચી લીધો. આખરે, હોર્મુઝ સામુદ્રધુની પરના મુકાબલામાં એક પણ દેશ યુનાઇટેડ સ્ટેટ્સની સાથે ઉભો રહ્યો નહીં. શરૂઆતમાં, ટ્રમ્પે નાટો અને યુરોપ પર પણ પ્રહારો કર્યા, પરંતુ અંતે, ટ્રમ્પે પોતાનો નિર્ણય પાછો ખેંચવો પડ્યો.

Breaking News : ઈરાન ઈઝરાયેલ યુદ્ધ 23 દિવસ : મધ્ય પૂર્વના કયાં દેશમાં કેટલા લોકો મર્યાં ?