અમેરિકાએ કહ્યું છે હમઝા પોતાના પિતાના મોતનો બદલો લેવા માટે અમેરિકા પર હુમલાનુ કાવતરું રચી રહ્યો છે. તેને જોતા આટલા મોટા ઇનામની જાહેરાત કરવામાં આવી છે. 10 લાખ ડૉલરને ભારતીય રૂપિયામાં ગણીએ, તો 7 કરોડ 8 લાખ 15 હજાર રૂપિયાથી વધુની રકમ થાય છે.
અમેરિકન વિદેશ મંત્રાલયે શુક્રવારે આ ઇનામની જાહેરાત કરતા કહ્યું કે હમઝા અમેરિકા અને તેના સાથીઓ પર હુમલાની ફિરાકમાં છે. તેણે હુમલાની ધમકી પણ આપી છે. અમેરિકન વિદેશ વિભાગના એક અધિકારી એમટી ઇવાનોફે કહ્યું કે આ પગલું અમેરિકાના આતંકવાદ વિરુદ્ધ મોજૂદ દરેક હથિયારના ઉપયોગની પ્રતિબદ્ધતા દર્શાવે છે. અમેરિકન લીડર પોતાના કામ પ્રત્યે જવાબદાર છે.
એક અન્ય અધિકારી નાથન સેલ્સે કહ્યું કે અલકાયદા છેલ્લા કેટલાક સમયથી શાંત છે, પરંતુ આ માત્ર તેનું સ્ટ્રૅટેજિક મૌન છે, આત્મસમર્પણ નથી. કોઈ ભૂલ ન કરે. અલકાયદા પાસે અમારી ઉપર હુમલો કરવાની ક્ષમતા અને ઇરાદા બંને જ છે.
નોંધનીય છે કે હમઝા બિન લાદેને તાજેતરમાં જ લગ્ન કર્યા હતા. તેણે આ લગ્ન કોઇક સામાન્ય યુવતી સાથે નહીં, પણ 9/11ના અમેરિકન હુમલા માટે વિમાન હાઈજૅક કરનાર મોહમ્મદ અટ્ટાની દીકરી સાથે કર્યા છે. ઓસામાના પરિવારે આની પુષ્ટિ કરી છે. લાદેનના ઓરમાન ભાઈએ ધ ગાર્જિયનને આપેલા એક ઇંટરવ્યૂમાં પણ આ લગ્નનો ઉલ્લેખ કર્યો હતો.
[yop_poll id=1886]
[youtube_channel resource=0 cache=300 random=1 fetch=10 num=1 ratio=3 responsive=1 width=306 display=thumbnail thumb_quality=hqdefault autoplay=1 norel=1 nobrand=1 showtitle=above titletag=h3 desclen=0 noanno=1 noinfo=1 link_to=channel goto_txt=”Watch more interesting videos on TV9 Gujarati YouTube channel”]