કોરોના સામે લડવા અમેરીકા લોકોને આપશે બુસ્ટર ડોઝ, પણ દરેકને નહી મળે આ લાભ
Coronavirus in US: અમેરિકામાં કોરોના વાયરસના કેસોમાં મોટો ઉછાળો આવ્યો છે, જેનો સામનો કરવા માટે લોકોને રસીનો બૂસ્ટર ડોઝ આપવાનુ અમેરીકન સરકાર વીચારી રહી છે.
US Vaccine Booster Dose: છેલ્લા કેટલાક સમયથી અમેરિકામાં કોરોના વાયરસના કેસોમાં મોટો ઉછાળો આવ્યો છે. દેશના કેટલાક શહેરોની હોસ્પિટલમાં દર્દીઓના પ્રવેશનો દર વધ્યો છે, જેના કારણે હોસ્પિટલોમાં બેડની અછત સર્જાઈ છે.
વાયરસના વધતાં કેસો પાછળનું કારણ કોરોનાનું ડેલ્ટા વેરિએન્ટ હોવાનું માનવામાં આવી રહ્યું છે. જો કે આ પરીસ્થીતીમાં અમેરિકાની અડધી વસ્તીને વેક્સિન આપી દેવામાં આવી છે. આ સમસ્યાનો સામનો કરવા માટે સરકાર અમેરિકામાં લોકોને વેક્સિનનો ‘બૂસ્ટર’ ડોઝ આપવાનું વિચારી રહી છે.
USના ટોચના નિષ્ણાત ડો. એન્થોની ફૌસીએ કહ્યું છે કે નબળી રોગપ્રતિકારક શક્તિ ધરાવતા લોકોને કોવિડ -19 વેક્સિનનો વધારાનો ‘બૂસ્ટર’ ડોઝ માટે ભલામણ કરવામાં આવશે.
તેમણે એક પ્રતીષ્ઠીત મીડીયાના કાર્યક્રમમાં ગુરુવારે કહ્યું કે તેમને આશા છે કે બૂસ્ટર ડોઝની ભલામણ જલ્દીથી સ્વીકારવામાં આવશે. અંગ પ્રત્યારોપણ, કેન્સર અથવા અન્ય પરિસ્થિતિઓ સહિત વિવિધ કારણોસર લોકોની રોગપ્રતિકારક શક્તિ નબળી પડી છે.
શા માટે છે બૂસ્ટર ડોઝની જરૂર?
બૂસ્ટર ડોઝ માટેની માત્રા માત્ર ફેડરલ ડ્રગ એડમિનિસ્ટ્રેશન (FDA) દ્વારા જ મંજૂર કરવામાં આવશે. ફૌચીએ કહ્યું, “એવો સમય પણ આવશે જ્યારે આપણને વધારાના ડોઝની જરૂર પડશે કારણ કે કોઈ પણ વેક્સિન અનિશ્ચિત સમય માટે રક્ષણ પૂરું પાડતી નથી, વર્તમાનમાં તો એક પણ વેક્સિન છે જ નહિ.
એક તારણ મુજબ, લગભગ 3 ટકા અમેરિકનો પાસે નબળી રોગપ્રતિકારક શક્તિ રહેલી છે. જેના ઘણા કારણો પણ છે, કેટલાકને પહેલા કેન્સર જેવી જીવલેણ બીમારી થઈ છે, જ્યારે કેટલાકએ સ્ટેરોઈડ જેવી દવાઓનો ઉપયોગ કર્યો છે.
WHO એ શું કહ્યું?
વર્લ્ડ હેલ્થ ઓર્ગેનાઇઝેશને તાજેતરમાં વિકસીત દેશોને વિનંતી કરી હતી કે તેઓ ઓછામાં ઓછા સપ્ટેમ્બર સુધી તેમના નાગરિકોને બૂસ્ટર ડોઝ ન આપે જેથી રસી ગરીબ અને મધ્યમ આવક ધરાવતા દેશોમાં પહોંચાડી શકાય.
જો કે, ફ્રાન્સ એપ્રિલથી નબળી રોગપપ્રતિકારક શક્તિ ધરાવતા લોકોને વેક્સિનના બૂસ્ટર ડોઝ પૂરા પાડી રહ્યું છે. જર્મની અને હંગરીએ પણ તાજેતરમાં તેમના નાગરિકોને બૂસ્ટર ડોઝ આપવાનું શરૂ કર્યું છે.
જે બાદ હવે અમેરિકા પણ આવું જ પગલું ભરી શકે છે. જેને સરકારી અધિકારીઓ પણ આ સમયની મોટી જરૂરિયાત ગણાવી રહ્યા છે
આ પણ વાંચો : શરદ પવારના અવાજની નકલ કરીને મહારાષ્ટ્ર ગૃહ વિભાગમાં ફોન કરનાર શખ્સ ઝડપાયો
Latest News Updates
