5 કરોડ લોકોના જીવ પર જોખમ, અફઘાનિસ્તાનથી લઇને યમન સુધી સંકટમાં દુનિયા – UN

યુએનના વડાએ મંગળવારે જણાવ્યું હતું કે અફઘાનિસ્તાનથી લઈને લિબિયા, સીરિયા, યમન (Yemen) સુધીના શહેરી વિસ્તારોમાં સંઘર્ષથી 50 મિલિયનથી વધુ લોકો પ્રભાવિત થયા છે, જ્યાં તેઓના માર્યા જવાની અથવા ઘાયલ થવાની સંભાવના છે.  યુએનના મહાસચિવ એન્ટોનિયો ગુતારેસે (UN Chief Antonio Guterres) કહ્યું કે કેટલાક કિસ્સાઓમાં નાગરિકો પર ભૂલથી તેમને લડાકુ સમજીને હુમલો થઈ શકે છે. તેમણે કહ્યું કે લડાકુઓ ભીડવાળા વિસ્તારોમાં વધુ નુકસાન પહોંચાડવાનો પ્રયાસ કરે છે અને વિસ્ફોટક હથિયારોનો ઉપયોગ કરે છે.

જે સામાન્ય લોકો માટે શારીરિક અને માનસિક પીડા સાથે આજીવન અપંગતાનું કારણ બને છે. તેમણે યુદ્ધ દરમિયાન શહેરી વસાહતોમાં નાગરિકોના રક્ષણ પર સંયુક્ત રાષ્ટ્ર સુરક્ષા પરિષદની બેઠકમાં જણાવ્યું હતું કે ગયા વર્ષે ઇઝરાયેલ અને હમાસના આતંકવાદીઓ વચ્ચે ગાઝામાં થયેલા યુદ્ધ દરમિયાન ડઝનેક શાળાઓ અને હોસ્પિટલો તબાહ થયા હતા અને લગભગ 800,000 લોકો પીવાના પાણીના પુરવઠાથી વંચિત હતા.

ગયા વર્ષે મે મહિનામાં, અફઘાનિસ્તાનની રાજધાની કાબુલમાં એક હાઈસ્કૂલની બહાર થયેલા વિસ્ફોટમાં 90 વિદ્યાર્થીઓ માર્યા ગયા હતા, જેમાં મોટાભાગની છોકરીઓ હતી. ઘટનામાં 240 ઘાયલ થયા હતા. ગુતારેસે કહ્યું કે નાગરિકોને નુકસાન થવાનું જોખમ વધી જાય છે. જ્યારે લડવૈયાઓ તેમની વચ્ચે આવે છે અને સામાન્ય નાગરિકોની નજીક હથિયારો અને સાધનો રાખે છે.

જો કે, તેમણે ઉમેર્યું હતું કે શહેરી વિસ્તારોમાં સંઘર્ષની “સામાન્ય નાગરિકો પર તેની તાત્કાલિક અસરથી વધુ લાંબા ગાળાની અસર પડે છે”. “ઇરાકના મોસુલમાં 80 ટકા ઘરો નાશ પામ્યાના ચાર વર્ષ પછી, 300,000 લોકો હજુ પણ વિસ્થાપિત થયા હોવાનો અંદાજ છે,”

રેડ ક્રોસની ઇન્ટરનેશનલ કમિટીના ચેરમેન પીટર મૌરેરે કાઉન્સિલને જણાવ્યું હતું કે “વધતા પુરાવા શહેરી વિસ્તારોમાં નાગરિકોને યુદ્ધના નુકસાનનો સંકેત આપે છે.” ઘાનાના વાઇસ પ્રેસિડેન્ટ મહમદુ બાવુમિયાએ જણાવ્યું હતું કે “મગરિબમાં બોકો હરામ, અલ-કાયદા, સોમાલિયામાં અલ-શબાબ અને ઇસ્લામિક સ્ટેટ” સહિતના આતંકવાદી અને હિંસક ઉગ્રવાદી જૂથોના ઉદભવે સામાન્ય નાગરિકોના જીવન માટે વાસ્તવિક ખતરો ઉભો કર્યો છે.

નોર્વેના જોનાસ ગહર સ્ટોર, હાલમાં સુરક્ષા પરિષદના અધ્યક્ષ છે, તેમણે મીટિંગની અધ્યક્ષતા કરી અને કહ્યું કે નોર્વેએ તેને મંગળવારની ચર્ચાનો વિષય તરીકે પસંદ કર્યો કારણ કે સંઘર્ષમાં નાગરિકોની સલામતી લાંબા સમયથી અગ્રતા રહી છે.

આ પણ વાંચો –

Blackout: મધ્ય એશિયામાં વીજળીનું મોટું સંકટ, કઝાકિસ્તાન, ઉઝબેકિસ્તાન અને કિર્ગિસ્તાન, એક સાથે ત્રણ દેશમાં અંધારપટ

આ પણ વાંચો –

ડિંગુચાના 4 લોકોના મોતનો કેસઃ ફ્લોરિડામાંથી માનવ તસ્કરીમાં પકડાયેલા શંકાસ્પદને બોન્ડ વિના મુક્ત કરી દેવાયો