બ્રિટનની રાષ્ટ્રીય આરોગ્ય સેવા (એનએચએસ) એ દુર્લભ આનુવંશિક રોગના ઇલાજ માટે વિશ્વની સૌથી મોંઘી દવાને મંજૂરી આપી છે. આના એક ડોઝની કિંમત એટલી છે કે જાણીને જ આશ્ચર્યચકિત થઇ જવાય. જી હા આ દવાના માત્ર એક ડોઝની કિંમત છે 18 કરોડ રૂપિયા. એનએચએસ ઇંગ્લેન્ડે સોમવારે એક નિવેદનમાં જણાવ્યું હતું કે નોવાર્ટિસ જીન થેરાપી દ્વારા ઉત્પાદને મંજૂરી આપવામાં આવી છે.
આ દવાની એક માત્રાની કિંમત 18 કરોડ રૂપિયા (£ 1.79 મિલિયન પાઉન્ડ) છે. જણાવી દઈએ કે Genetic spinal muscular atrophy (એસએમએ) નામના રોગથી પીડિત દર્દીઓને આ દવાની જરૂર પડે છે. તેની સારવાર વિશ્વમાં સૌથી મોંઘી માનવામાં આવે છે. આ રોગમાં વિશ્વનું સૌથી મોંઘું ઈંજેક્શન દર્દીઓને આપવામાં આવે છે. એસએમએ એક ખૂબ જ દુર્લભ રોગ છે અને શરીરમાં એસએમએન -1 ની ઉણપ દ્વારા આ દુર્લભ રોગ થાય છે. આ રોગથી પીડાતા દર્દીઓની છાતીની માંસપેશીઓ નબળાઇ થવા લાગે છે અને શ્વાસ લેવામાં પણ તકલીફ પડે છે.
બ્રિટનમાં સૌથી વધુ કેસ
યુકેમાં સૌથી વધુ એસએમએ કેસ આવે છે. મોટાભાગના બાળકો આ રોગથી પીડાય છે, જો તેની સમયસર સારવાર ન કરવામાં આવે તો દર્દીઓને પાછળથી બહુ મુશ્કેલીઓ પડે છે અને આના કારણે મૃત્યુ પામે છે. મીડિયા અહેવાલો અનુસાર યુકેમાં આ રોગના દર્દીઓની સંખ્યા સૌથી વધુ છે, દર વર્ષે આશરે 60 બાળકો એસએમએ રોગ આવે છે.