Pakistan : મિત્રતા મોંઘી પડી, તાલિબાન સત્તામાં આવ્યા પછી દેશમાં સૌથી વધુ આતંકવાદી હુમલા થયા

Taliban and Pakistan Relationship: અફઘાનિસ્તાનમાં તાલિબાનોની સત્તા પર કબજો પાકિસ્તાન (Pakistan)માટે ખરાબ સાબિત થયો છે. પાકિસ્તાનને આ આતંકવાદી સંગઠન (Terrorist organization)ની સરકાર પાસેથી ઘણી આશાઓ હતી, આ માટે તેણે પૈસાની મદદ સહિત આતંકવાદીઓને આશ્રય આપવાનું કામ કર્યું છે. પરંતુ ગયા વર્ષે ઓગસ્ટમાં અફઘાનિસ્તાન (Afghanistan)માં તાલિબાનોનો કબજો થતાં જ પાકિસ્તાનમાં આતંકવાદી હુમલા(Terror Attacks)ઓ વધવા લાગ્યા.

સૌથી વધુ હુમલા ઓગસ્ટમાં નોંધાયા

ઓગસ્ટ મહિનામાં પાકિસ્તાનમાં આવા હુમલા (Terror Attack) ઓ ઉચ્ચતમ સ્તરે પહોંચી ગયા હતા. આ માહિતી એક રિસર્ચમાં સામે આવી છે.આ સંશોધન પાકિસ્તાન ઈન્સ્ટિટ્યૂટ ફોર કોન્ફ્લિક્ટ એન્ડ સિક્યુરિટી સ્ટડી (PICSS) દ્વારા કરવામાં આવ્યું છે. તેમાં કહેવામાં આવ્યું છે કે, વર્ષ 2021માં એક મહિનામાં સૌથી વધુ હુમલા ઓગસ્ટમાં નોંધાયા હતા, જ્યારે આતંકવાદીઓ દ્વારા 45 હુમલા કરવામાં આવ્યા હતા. સ્થાનિક અખબાર અનુસાર સંસ્થાએ પોતાના રિપોર્ટમાં કહ્યું છે કે 10 નવેમ્બરથી 10 ડિસેમ્બર સુધી એક મહિનાના યુદ્ધવિરામ છતાં આતંકવાદી હુમલાની સંખ્યામાં ઘટાડો થયો નથી. અખબારે કહ્યું કે પાકિસ્તાનમાં દર મહિને આતંકવાદી હુમલાની સરેરાશ સંખ્યા 2020માં 16થી વધીને 2021માં 25 થઈ ગઈ છે, જે 2017 પછી સૌથી વધુ છે.

103 હુમલામાં 170 લોકોનું મોત

ડેટા દર્શાવે છે કે, બલૂચિસ્તાન પાકિસ્તાનનો સૌથી અશાંત પ્રાંત છે. જ્યાં 103 હુમલાઓને કારણે 170 લોકોના મોત થયા છે. રિપોર્ટ અનુસાર, બલૂચિસ્તાનમાં સૌથી વધુ ઘાયલો પણ નોંધાયા છે, હુમલામાં ઘાયલ થયેલા લોકોમાંથી 50 ટકાથી વધુ લોકો આ પ્રાંતમાં હુમલાનો ભોગ બન્યા છે. રિપોર્ટમાં કહેવામાં આવ્યું છે કે બલૂચિસ્તાન પછી ખૈબર પખ્તુનખ્વા (Khyber Pakhtunkhwa) બીજા નંબરનો સૌથી વધુ પ્રભાવિત વિસ્તાર છે. અફઘાનિસ્તાનમાં પાકિસ્તાનની દખલને લઈને નિષ્ણાતો ચિંતા વ્યક્ત કરી રહ્યા છે. તેઓ માને છે કે, પાકિસ્તાન જાહેરમાં તાલિબાનને સમર્થન આપી રહ્યું છે, જેનાથી પ્રાદેશિક સંઘર્ષ જ વધશે.

પાકિસ્તાન સરકાર તાલિબાન પ્રત્યે નરમ

આ સ્થિતિ પાછળનું કારણ નેતાઓના અંગત સ્વાર્થ પણ છે. નિષ્ણાતોએ ચેતવણી આપી હતી કે પાકિસ્તાનની કાર્યવાહી તેના પર ભારે પડી શકે છે. આની ખાસ કરીને તેની સૈન્ય અને ગુપ્તચર સંસ્થાન (Taliban Against Pakistan) પર અસર થઈ શકે છે. જો કે, તમામ હુમલાઓ છતાં, પાકિસ્તાન સરકાર તાલિબાન પ્રત્યે નરમ છે. વડાપ્રધાન ઈમરાન ખાન પોતે અનેક પ્રસંગોએ તાલિબાનના પ્રવક્તા તરીકે બોલતા જોવા મળે છે.

આ પણ વાંચો : UP Election 2022: નવા વર્ષનો પ્રથમ રાજકીય સુપર સન્ડે, મેરઠમાં પીએમ મોદીની રેલી, અખિલેશ અને કેજરીવાલ લખનૌમાં રેલી કરશે