Singapore: ડ્રગ તસ્કરી કેસમાં ભારતીય મૂળના વ્યક્તિને ઝૂમ દ્વારા થઈ હતી મૃત્યુદંડની સજા, હવે જાહેર થયો નિર્દોષ
ચેનલ ન્યૂઝ એશિયાના સમાચાર અનુસાર, સિંગાપોરની ટોચની અદાલતે ઓક્ટોબર 2011માં અહીં કાર પાર્કિંગમાં ડ્રગ્સની હેરાફેરીના કેસમાં પુનીથન ગનાસનને નિર્દોષ જાહેર કર્યો હતો.
સિંગાપોરમાં (singapore) ફાંસીની સજા મળ્યા બાદ નિર્દોષ છુટી જવાનો મામલો સામે આવ્યો છે. ભારતીય મૂળના 39 વર્ષીય મલેશિયનને સોમવારે સિંગાપોરની એપેલેટ કોર્ટ દ્વારા ડ્રગ હેરફેરના કેસમાં નિર્દોષ જાહેર કરવામાં આવ્યો હતો અને કહ્યું હતું કે, ફરિયાદી પક્ષ તેનો કેસ સાબિત કરી શક્યો નથી. આ કેસમાં સામેલ વ્યક્તિને મે 2020માં મૃત્યુદંડ આપવામાં આવ્યો હતો.
ચેનલ ન્યૂઝ એશિયાના સમાચાર અનુસાર, સિંગાપોરની ટોચની અદાલતે ઓક્ટોબર 2011માં અહીં કાર પાર્કિંગમાં ડ્રગ્સની હેરાફેરીના કેસમાં પુનીથન ગણાસનને નિર્દોષ જાહેર કર્યો હતો. મે 2020માં ગણાસનને મૃત્યુદંડની સજા ફટકારવામાં આવી હતી, જે સિંગાપોરમાં COVID-19 રોગચાળા દરમિયાન આપવામાં આવેલી પ્રથમ મૃત્યુ સજા હતી.
ગનાસનને મુખ્ય સૂત્રધાર હોવાનું જણાવ્યું હતું
ગનાસન સામેનો કેસ એક ડ્રગ પેડલરના આરોપ પછી શરૂ કરવામાં આવ્યો હતો કે ગણાસન ડ્રગ ડીલિંગનો માસ્ટર માઇન્ડ હતો, જેના માટે 28 ઓક્ટોબર 2011ના રોજ સેન્ટ્રલ નાર્કોટિક્સ બ્યુરોના અધિકારીઓ દ્વારા ડ્રગ પેડલર્સની ધરપકડ કરવામાં આવી હતી. આ બંને પાસેથી ઓછામાં ઓછા 28.5 ગ્રામ ડાયમોર્ફિન અથવા શુદ્ધ હેરોઈન ધરાવતું દાણાદાર સામગ્રી મળી આવી હતી. સેન્ટ્રલ નાર્કોટિક્સ બ્યુરોની વેબસાઇટ અનુસાર, સિંગાપોરના ડ્રગ એબ્યુઝ કાયદા હેઠળ 15 ગ્રામથી વધુ ડાયમોર્ફિનની ગેરકાયદેસર આયાત અથવા નિકાસ મૃત્યુદંડની સજાને પાત્ર છે.
સોમવારે સુનાવણીનો ચુકાદો જાહેર કરવામાં આવ્યો હતો. ટ્રાયલ દરમિયાન, પ્રોસિક્યુશન એ સાબિત કરવામાં નિષ્ફળ ગયું કે, ગનાસન અને ડ્રગ પેડલર્સ વચ્ચે ડ્રગ ટ્રાન્ઝેક્શન પહેલાં કોઈ મીટિંગ થઈ હતી. ચીફ જસ્ટિસ સુંદરેશ મેનન અને જસ્ટિસ એન્ડ્રુ ફેંગ અને તાઈ યોંગ ક્વાંગની ખંડપીઠે જણાવ્યું હતું કે, ટ્રાયલમાં કથિત મીટિંગની તારીખ અને સમય સંબંધિત પુરાવાઓમાં વિસંગતતાઓ છે. ત્રણ ન્યાયાધીશોની બેંચ વતી ચુકાદો સંભળાવનાર જસ્ટિસ તાઈએ જણાવ્યું હતું કે, આ બેઠક ગણસન સામેના આરોપમાં મુખ્ય તત્વ છે.
કેસના અનોખા સંજોગોને ટાંકીને, જસ્ટિસ તાઈએ કહ્યું કે, આરોપ શંકાની બહાર સાબિત થયો નથી કારણ કે તે અનિશ્ચિત છે કે મીટિંગ થઈ છે કે કેમ. જસ્ટિસ તાઈએ જણાવ્યું હતું કે, આ અપીલમાં નિર્ણય મીટિંગ પર કેન્દ્રિત હતો અને ડ્રગ પેડલર્સની સજા અને અપીલ પર કોઈ અસર કરશે નહીં કે જેમની પાસેથી માદક દ્રવ્યો રિકવર કરવામાં આવ્યા હતા અને તેઓ તેનું વિતરણ કરવાની પ્રક્રિયામાં હતા.
(ભાષામાંથી ઇનપુટ)