આ કોતરણીની શોધ આજથી બે વર્ષ પહેલા અલ જાફ પ્રાંતમાં વર્ષ 2018 માં થઈ હતી. પરંતુ હવે આ મામલે નવો ખુલાસો થયો છે. ત્યારે કહેવામાં આવ્યું હતું કે, આ કોતરણી 2,000 વર્ષ જૂની છે. હવે નવી ડેટિંગ તકનીકો સાથે તપાસ કર્યા બાદ જાણવા મળ્યું કે 8,000 વર્ષ જૂનું છે.
મેક્સ પ્લાન્ક ઇન્સ્ટિટ્યૂટ ફોર સાયન્સ ઓફ હ્યુમન હિસ્ટ્રીના સંશોધકોએ આ મામલે નવા ખુલાસા કર્યા છે. આ ખુલાસામાં આશ્ચર્યજનક વાતો સામે આવી છે કારણ કે ઈંટની કોતરણી ઈંગ્લેન્ડમાં સ્ટોનહેજ અને ગીઝાના પિરામિડ કરતા જૂની છે, જે 5000 થી 4,500 વર્ષ જૂની હોવાનું માનવામાં આવે છે. કોતરણીને સમય જતાં ઘણું નુકસાન થયું છે. પરંતુ તેમ છતાં તેની સુંદરતા ઓછી થઈ નથી.
સંશોધકોએ લ્યુમિનેસન્ટ રોડોકાર્બન ડેટિંગ અને એક્સ-રે વિશ્લેષણ જેવી આધુનિક ટેક્નિકનો ઉપયોગ કર્યો હતો. આ સાથે પથ્થર પર ધોવાણની પેટર્ન અને ટૂલના નિશાનનો અભ્યાસ કરવામાં આવ્યો હતો.
કોતરણીને મોટા પ્રમાણમાં નુકસાન પહોંચ્યું છે
14 લોકોની આ ટીમમાં સાઉદી અરેબિયાના સંસ્કૃતિ મંત્રાલય, કિંગ સઈદ યુનિવર્સિટી અને ફ્રાન્સની વૈજ્ઞાનિક રાષ્ટ્રીય સંશોધન સંસ્થાના સંશોધકોનો સમાવેશ થાય છે. અભ્યાસના મુખ્ય લેખક ડો. મારિયા ગુઆનીને કહ્યું, ‘આ કોતરણી ખરેખર અદભૂત છે. જો કે આજે આપણે જે જોઈએ છીએ તેમાંથી મોટાભાગનો નાશ થઈ ગયો છે.
આ અવશેષો તેમની મૂળ સ્થિતિમાં ખૂબ જ સુંદર હોવા જોઈએ. અગાઉ જોર્ડનના પેટ્રામાં પ્રખ્યાત ઐતિહાસિક સ્થળ પર મળી આવી સમાન કલાકૃતિઓના આધારે ઊંટ કોતરણીના સમયની ગણતરી કરવામાં આવી હતી.
વિશ્વની સૌથી જૂની કોતરણી
જૂના અભ્યાસો અનુસાર જે સમયગાળામાં કોતરણી કરવામાં આવી હતી તે નાબાટીયન સમયગાળો માનવામાં આવતો હતો. પરંતુ નવા અભ્યાસે હવે કોતરણીને વિશ્વની સૌથી જૂની માનવ સર્જિત કોતરણી તરીકે પ્રમાણિત કરવામાં આવી છે.
એક અખબારી યાદીમાં અભ્યાસના લેખકોએ જણાવ્યું હતું કે, “અમે હવે ઊંટની કોતરણીને પ્રાગૈતિહાસિક સમયગાળા સાથે જોડી શકીએ છીએ, જ્યારે સાઉદી અરેબિયામાં પથ્થરની કલાકૃતિઓ અને મુસ્તાટીલ નામના મોટા પથ્થરની રચનાઓ બનાવવામાં આવી હતી.” આ સ્થાન આર્ટવર્કનો મહત્વનો ભાગ હતો. જ્યાં વિવિધ વિચરતી જાતિઓએ સ્થાનો પર ઓળખ માટે આ કોતરણીઓ બનાવી હતી.
આ પણ વાંચો : અફઘાનિસ્તાન મામલે રશિયાએ અમેરિકા પર સાધ્યું નિશાન, પુતિને કહ્યું – અમેરિકન સૈનિકો ઉતાવળમાં નથી પરંતુ આ કારણે ભાગ્યા