Russia News: કિમ જોંગ સાથેની સિક્રેટ મુલાકાત પહેલા પુતિને PM મોદીને કેમ કર્યા યાદ? જાણો શું કહ્યું

Russia News: ઉત્તર કોરિયાના તાનાશાહ સાથેની ગુપ્ત બેઠક પહેલા રશિયાના રાષ્ટ્રપતિ વ્લાદિમીર પુતિને વડાપ્રધાન નરેન્દ્ર મોદીના વખાણ કર્યા છે. મંગળવારે 8મા ઈસ્ટર્ન ઈકોનોમિક ફોરમને સંબોધિત કરતી વખતે તેમણે કહ્યું કે પીએમ મોદી ભારતમાં સારું કામ કરી રહ્યા છે અને મેક ઈન ઈન્ડિયા નીતિઓ વધારી રહ્યા છે. તમને જણાવી દઈએ કે ઈસ્ટર્ન ઈકોનોમિક ફોરમની બેઠક રશિયાના પોર્ટ સિટી વ્લાદિવોસ્તોકમાં યોજાઈ હતી.

આ પણ વાંચો: કિમ જોંગ સ્પેશિયલ ટ્રેનમાં રશિયા પહોંચ્યા, પુતિન સાથે યોજાશે ગુપ્ત બેઠક, આખી દુનિયાના જીવ તાળવે!

એવું કહેવામાં આવી રહ્યું છે કે પુતિન અને કિમ જોંગની ગુપ્ત બેઠક આજે વ્લાદિવોસ્તોકમાં જ થવાની છે. આખી દુનિયાની નજર બંનેની મુલાકાત પર રહેલી છે. પુતિન અને કિમ જોંગ વચ્ચેની મુલાકાતથી અમેરિકા સહિત સમગ્ર નાટો પરેશાન છે. રશિયા-યુક્રેન યુદ્ધ વચ્ચે બંને નેતાઓની મુલાકાતને લઈને ઘણા મુદ્દા ઉઠાવવામાં આવી રહ્યા છે. લોકોનું માનવું છે કે પુતિન અને કિમ જોંગ વચ્ચેની મુલાકાતની મોટી અસર થવાની છે.

બેઠક દ્વારા વિશ્વ વ્યવસ્થા બદલાઈ શકે છે

મહત્વનું છે કે, આ એક ગુપ્ત બેઠક હશે જે વિશ્વ વ્યવસ્થાને બદલી શકે છે. આ બેઠકમાં જે પણ થવાનું છે તે યુદ્ધની આગ ઘણી ભડકી શકે છે. કારણ કે કિમ જોંગ ઉન સાથે મુલાકાત પહેલા પુતિને મોટું નિવેદન આપ્યું હતું. તેમણે કહ્યું કે યુક્રેન પરમાણુ વિનાશ ઈચ્છે છે. તમને જણાવી દઈએ કે બંને દેશો વચ્ચે દોઢ વર્ષથી વધુ સમયથી યુદ્ધ ચાલી રહ્યું છે.

હથિયારોને લઈને કોઈ મોટી વાત થઈ શકે છે

જાણકારોનું કહેવું છે કે પુતિન અને કિમ જોંગ વચ્ચે હથિયારોને લઈને મોટા કરાર પર હસ્તાક્ષર થવા જઈ રહ્યા છે. કિમ જોંગ રશિયાને હથિયાર આપવા માટેની ફાઇલ પર હસ્તાક્ષર કરશે. તેના બદલામાં તેઓ પુતિન પાસેથી ન્યુક્લિયર ટેક્નોલોજી માંગી શકે છે. વાસ્તવમાં, આ તે સોદો છે જે મહાસત્તા અમેરિકાને બેવડો ફટકો આપશે. એક તરફ અમેરિકાના સૌથી મોટા દુશ્મન ઉત્તર કોરિયાને અદ્યતન પરમાણુ ટેક્નોલોજી મળશે તો બીજી તરફ રશિયાને યુદ્ધ માટેના શસ્ત્રો મળશે. આ રીતે યુક્રેન અને કોરિયા બંને મોરચે અમેરિકાને મોટો ફટકો પડશે.

આંતરરાષ્ટ્રીય તમામ સમાચાર વાંચવા માટે અહીં ક્લિક કરો