રશિયા-યુક્રેનનુ યુદ્ધ હવે વિશ્વ યુદ્ધ તરફ? રશિયા અને નાટો વચ્ચે ટક્કર, બ્લેક સી અને બાલ્ટિક સીમાં ફાઈટર પ્લેન સામસામે
જર્મનીના (Germany) રેમસ્ટેઇન સ્થિત નાટોના સાથી એર કમાન્ડે એક નિવેદન જાહેરી કરીને જણાવ્યું હતું કે નાટોના (NATO) રડાર્સે 26 એપ્રિલથી બાલ્ટિક અને કાળા સમુદ્રમાં ઘણા રશિયન વિમાનોને ટ્રેક કર્યા છે. રશિયન લશ્કરી એરક્રાફ્ટ ઘણીવાર ટ્રાન્સપોન્ડર કોડ ટ્રાન્સમિટ કરતા નથી.
યુક્રેન પર હુમલાને લઈને રશિયા (Russia) અને નાટો (NATO) વચ્ચે તણાવ વધારે છે. આ દરમિયાન, કાળો સમુદ્ર અને બાલ્ટિક સમુદ્ર પર રશિયન ફાઇટર જેટ ઉડાન દ્વારા ભરીને તેમના ટ્રાન્સપોન્ડર્સ બંધ કરીને મામલો વધુ વણસી ગયો છે. મિસાઇલોથી સજ્જ રશિયન ફાઇટર જેટને ઉડતા જોયા બાદ નાટોએ પણ તેના ફાઇટર જેટને તરત જ ટેકઓફ કરવાની સૂચના આપી હતી. જે બાદ રશિયન ફાઈટર પ્લેન પોતાના દેશની એરસ્પેસમાં પરત ફર્યા હતા. નાટોએ દાવો કર્યો છે કે છેલ્લા ચાર દિવસમાં રશિયન ફાઈટર જેટની ઘૂસણખોરીના ડઝનેક મામલા નોંધાયા છે. આવી સ્થિતિમાં, એવું માનવામાં આવે છે કે રશિયા એક નવો મોરચો ખોલીને નાટો દેશો પર દબાણ બનાવવાનો પ્રયાસ કરી રહ્યું છે, જેથી યુક્રેન પરથી ધ્યાન હટાવવામાં આવે.
નાટો એલાઈડ એર કમાન્ડના ચીફ ઓફ સ્ટાફે આપી ધમકી
રશિયન ખતરાને ધ્યાનમાં રાખીને, નાટો એર પોલીસિંગ મિશનમાં સામેલ તમામ દેશોના ફાઇટર જેટ્સે ઉત્તરી અને પૂર્વીય યુરોપમાં ફ્લાઇટ્સની સંખ્યામાં વધારો કર્યો છે. એલાઈડ એર કમાન્ડના ચીફ ઓફ સ્ટાફ, મેજર જનરલ જોર્ગ લિબર્ટે જણાવ્યું હતું કે યુરોપના ઉત્તરથી દક્ષિણ સુધી તૈનાત તમામ સહયોગીઓ સંપૂર્ણ રીતે એકજૂથ છે અને કોઈપણ ખતરાનો સામનો કરવા તૈયાર છે. નાટોના બે સંયુક્ત હવાઈ ઓપરેશન કેન્દ્રો તરફથી ઝડપી પ્રતિસાદ, નાટો દળોની સજ્જતા અને સાથી દેશોના આકાશની દેખરેખ દિવસના 24 કલાક, અઠવાડિયાના 7 દિવસ, વર્ષમાં 365 દિવસ, આપણી સંરક્ષણ ક્ષમતા દર્શાવે છે.
રશિયાના સૈન્ય વિમાનોને કારણે તણાવ ઉભો થયો છે
રશિયન લશ્કરી એરક્રાફ્ટ ઘણીવાર ટ્રાન્સપોન્ડર કોડ ટ્રાન્સમિટ કરતા નથી. ટ્રાન્સપોન્ડર કોડની મદદથી, કોઈપણ વિમાનની સ્થિતિ અને ઊંચાઈ શોધી શકાય છે. આટલું જ નહીં, રશિયન એરક્રાફ્ટ તેમના ઉડાનનો માર્ગ પણ ગુપ્ત રાખે છે. આ કારણે તેમના ટેક ઓફનું સ્થળ અને ઉતરાણનું સ્થળ પણ જાણી શકાયું નથી. રશિયન પાઇલોટ્સ પણ એર ટ્રાફિક કંટ્રોલર્સના પ્રશ્નોના જવાબ આપતા નથી, જે વિસ્તારમાંથી પસાર થતા નાગરિક વિમાનો માટે સંભવિત જોખમ ઊભું કરે છે. જો કે, ઇન્ટરસેપ્ટેડ રશિયન એરક્રાફ્ટે ક્યારેય સાથી એરસ્પેસમાં ઘૂસણખોરી કરી નથી.
આ પણ વાંચો : ભારતીય ક્રિકેટર શુભમન ગિલ એવું તો શું કર્યુ કે Swiggy અને Elon Muskના નામ સાથે થઇ રહ્યો છે ટ્રેન્ડ, જાણો સમગ્ર અહેવાલ
