Gandhinagar : ગાંધીનગરના સરગાસણ ખાતે રહેતા અને પશુપાલન નિયામકની કચેરીમાં ફરજ બજાવતા મનીષકુમાર ટાંકની સુપુત્રી (Krishna Tank)એ અમેરિકામાં માસ્ટર ઈન કમ્પ્યુટર સાયન્સના અભ્યાસ દરમિયાન જ Amazon કંપનીમાં તગડા પેકેજ સાથે નિમણુંક મેળવી ગાંધીનગરનું ગૌરવ વધાર્યું છે. ગાંધીનગરમાં જ ગુજરાતી માધ્યમમાં અભ્યાસ કરનાર ક્રિષ્ના ટાંકે મેળવેલી આ સિદ્ધિએ તેમના માતા – પિતા ઉપરાંત ગાંધીનગરનું ગૌરવ વધાર્યું છે.
ગાંધીનગરમાં પશુપાલન નિયામકની કચેરીમાં ફરજ બજાવતા મનીષકુમાર ટાંકની પુત્રી ક્રિષ્ના હાલમાં કેલીફોર્નીયા સ્ટેટ યુનિવર્સિટી (California State University) ખાતે કોમ્પ્યુટર એજીનિયરીંગનો અનુસ્નાતક અભ્યાસ કરી રહી છે. કોમ્પ્યુટર એન્જનિયરીંગના અનુસ્નાતકના છેલ્લા વર્ષમાં અભ્યાસ કરતી ક્રિષ્ના ટાંકે Amazon કંપનીમાં ટુડન્ટ એમ્બેસેડરની પરીક્ષા સફળતાપૂર્વક પાસ કરતા તેને એમેઝોન કંપનીએ તગડા પગાર સાથેની નોકરીની ઓફર કરી છે. મે માસમાં અભ્યાસ પૂર્ણ થયા બાદ તે એમેઝોન કંપનીમાં જોડાશે. તેની આ સિદ્ધિએ ગાંધીનગરનું ગૌરવ વધાર્યું છે.