CPEC Project: પાકિસ્તાન-ચીને ફરી ભારતને દેખાડી આંખ, CPEC પર સહયોગનો પુનરોચ્ચાર કર્યો

પાકિસ્તાનના વિદેશ પ્રધાન બિલાવલ ભુટ્ટો અને તેમના સમકક્ષ ચીનના વિદેશ પ્રધાન કિન ગેંગે આજે એટલે કે શનિવારે CPEC (ચીન-પાકિસ્તાન ઇકોનોમિક કોરિડોર) પર સહયોગ જાળવવા માટે તેમની પ્રતિબદ્ધતા વ્યક્ત કરી છે. જણાવી દઈએ કે આ વાત ‘પાકિસ્તાન-ચીન સ્ટ્રેટેજિક ડાયલોગ’ની ચોથી આવૃત્તિમાં સામે આવી છે. વાટાઘાટોના એક દિવસ પહેલા શુક્રવારે ભારતે આ બિલિયન ડોલરના પ્રોજેક્ટ સામે વાંધો વ્યક્ત કર્યો હતો. પાકિસ્તાનના મીડિયા અનુસાર ચીન-પાકિસ્તાને ફરી એકવાર CPEC પ્રોજેક્ટને લઈને પોતાની પ્રતિબદ્ધતાનો પુનરોચ્ચાર કર્યો છે.

આ પણ વાચો: Pakistan ને વિદેશ પ્રધાન જયશંકરે આતંકી ઈન્ડસ્ટ્રીનુ પ્રવક્તા ગણાવ્યુ, કાશ્મીરને લઈ બિલાવલ ભુટ્ટોને પણ આપ્યો જવાબ

તમારી જાણકારી માટે તમને જણાવી દઈએ કે ગોવામાં SCOની બેઠક બાદ મીડિયા સાથે વાત કરતા વિદેશ મંત્રી એસ જયશંકરે CPEC પ્રોજેક્ટની નિંદા કરી હતી. પોતાના ચીની સમકક્ષ સાથે સંયુક્ત પ્રેસ કોન્ફરન્સને સંબોધતા બિલાવલે કહ્યું કે CPEC તેનો દાયકા પૂર્ણ કરી રહ્યું છે. આ પ્રોજેક્ટ દ્વારા પાકિસ્તાન આર્થિક અને સામાજિક રીતે મજબૂત થશે અને લોકોની આજીવિકા સુધરશે.

ભારત પહેલેથી જ CPECનો વિરોધ કરી રહ્યું છે

આ 60 અબજ ડોલરનો પ્રોજેક્ટ છે. આ પ્રોજેક્ટ પાકિસ્તાન અધિકૃત કાશ્મીર (POK)માંથી પસાર થાય છે. CPEC સામે ભારતના વિરોધનું મુખ્ય કારણ એ છે કે તે POKમાંથી પસાર થાય છે. બીજી તરફ પાકિસ્તાનના વિદેશ મંત્રી બિલાવલે કહ્યું કે આ પ્રોજેક્ટનો લાભ દુનિયાભરના રોકાણકારોને મળશે. તેમણે કહ્યું કે વધુ સારા વિકાસ માટે અમે CPECની કાયમી પ્રતિબદ્ધતાનો પુનરોચ્ચાર કર્યો છે.

બિલાવલે ચીનનો આભાર માન્યો હતો

બિલાવલે ચીનનો પણ આભાર માન્યો હતો અને કહ્યું કે આ સમયે આપણે વૈશ્વિક અર્થવ્યવસ્થાના પડકારોથી પરેશાન છીએ. આવી સ્થિતિમાં ચીન અમને સતત મદદ કરી રહ્યું છે. કાશ્મીર વિવાદ પર બોલતા તેમણે કહ્યું કે ચીન તરફથી અમને જે સમર્થન મળી રહ્યું છે, તેની અમે પ્રશંસા કરીએ છીએ. તે જ સમયે, ચીનના વિદેશ મંત્રીએ કહ્યું કે અમે CPECના નિર્માણને ઝડપી બનાવવાની દિશામાં કામ કરી રહ્યા છીએ.

આ પ્રમોશનને કારણે પાકિસ્તાનની અર્થવ્યવસ્થામાં સુધારો જોવા મળશે. આ સાથે જ બિલાવલે કહ્યું કે ચીન અને પાકિસ્તાન દાયકાઓથી એકબીજાની સાથે ઉભા છે. ભવિષ્યમાં પણ અમે એકબીજાની પડખે ઊભા રહીશું. તેમણે કહ્યું કે ચીન હંમેશા અમારો વિશ્વાસુ રહ્યો છે.

ગુજરાતના તમામ સમાચાર અને બ્રેકિંગ ન્યૂઝ ગુજરાતીમાં વાંચો tv9gujarati.com પર

આંતરરાષ્ટ્રીય સમાચાર વાંચવા માટે જોડાયેલા રહો…