“મા તે મા બીજા બધા વગડાના વા”, બન્ને હાથ વગર પણ પુત્રીની સંપૂર્ણ સંભાળ રાખી રહી છે આ માતા !
બેલ્જિયમની એક મહિલા દરેક માટે પ્રેરણારૂપ બની છે. સારાહ તલ્બી નામની આ મહિલાને જન્મથી જ બંને હાથ નથી. છતાં તે ઘરના બધા કામ અને તેની બે વર્ષની પુત્રીની પણ સારી રીતે સંભાળ રાખી રહી છે.
Viral : બેલ્જિયમની સારાહ તાલ્બી નામની આ મહિલા હાલ ખુબ ચર્ચામાં છે.આ મહિલાને જન્મથી જ બંને હાથ નથી, છતા તે ઘરના તમામ કામ કરે છે સાથે, તે તેની બે વર્ષની પુત્રીની (Daughter) પણ સારી રીતે સંભાળ રાખે છે. સારાહે તેની આ ખોટને પોતાની નબળાઈ નહીં પરંતુ તેની તાકાત બનાવી છે. વિકલાંગ હોવા છતાં સારાહ નિશ્ચિતપણે જીવનની તમામ મુશ્કેલીઓનો સામનો કરે છે.
હાથ ન હોવાનો કોઈ અફસોસ નથી : સારાહ તાલ્બી
અહેવાલ મુજબ, 38 વર્ષીય સારાહ તેના પગથી બધુ કામ કરી શકે છે, જે સામાન્ય રીતે લોકો તેના હાથથી કરતા હોય છે. સારાહ બેલ્ઝિયમના બ્રુસેલ્સ શહેરમાં (Brussels City)રહે છે. સારાહના જણાવ્યા અનુસાર, તેને હાથ ન હોવાનો કોઈ અફસોસ નથી, તેણે જણાવ્યુ કે, શરૂઆતમાં પગ સાથે કામ કરવામાં થોડી મુશ્કેલીઓ આવતી હતી, પરંતુ બાદમાં મને તેની આદત પડી ગઈ. તમને જણાવી દઈએ કે, સારાએ શાળાકીય શિક્ષણ પછી અંગ્રેજી અને સ્પેનિશમાં ટ્રાન્સલેશનનો કોર્સ (Translation Course) કર્યો છે.
ઘરના તમામ કામ પગથી કરે છે આ મહિલા
મળતી માહિતી મુજબ, સારાહ ઘરના તમામ કામો પગથી કરે છે, જેમાં વાળ બનાવવાથી લઈને શાકભાજી કાપવા સુધી, તમામ કામ તે પગ વડે કરે છે. સારાહને લિલિયા નામની બે વર્ષની પુત્રી છે, જેનો જન્મ 2018 માં થયો હતો. સારાહ તેના ઇન્સ્ટાગ્રામ એકાઉન્ટ પર પણ ખૂબ સક્રિય છે. આ એકાઉન્ટ પર, તે તેની અને પુત્રી સાથે ઘણી તસવીરો અને વીડિયો શેર કરતી રહે છે.
આ રીતે રાખી રહી છે પુત્રીની સંભાળ
સારાહનું ઇન્સ્ટાગ્રામની કેટલીક તસવીર (Photos) જોઈને એવું લાગે છે કે તે તેની દીકરીનું ખૂબ ધ્યાન રાખે છે. પગથી ખોરાક બનાવીને તે તેની દીકરીને મોં વડે ચમચી પકડીને તેને ખવડાવતી જોવા મળી રહી છે. સારાહ કહે છે કે અપંગ હોવા ઉપરાંત, તે એક બાળકની માતા છે. તે આ બાબતે ખૂબ જ ખુશ છે. ઇન્સ્ટાગ્રામ (Instagram) પર સારાએ પોતાની દીકરી સાથે ઘણી તસવીરો શેર કરી છે, જેમાં બંને મસ્તી કરતા જોવા મળી રહ્યા છે.
આ પણ વાંચો: Viral Video : ઘોડાની પીઠ પર ચઢીને આ બકરાને મજા આવી, બંનેની મસ્તીનો આ વીડિયો જોઇને તમારો દિવસ બની જશે