Zahrani oil facility Fire: લેબનોનની ઝહરાની ઓઇલ ફેસિલિટીમાં સોમવારે સવારે ભીષણ આગ ફાટી નીકળી હતી જેને કલાકોના પ્રયત્નો બાદ કાબૂમાં લાવવામાં આવી હતી. દેશના ઉર્જા મંત્રી વાલિદ ફૈયદે કહ્યું કે, ઓઇલ સુવિધાના સ્ટોરેજ ટેન્કમાં લાગેલી ભીષણ આગને કાબૂમાં લેવામાં આવી છે. અગાઉ, ફૈયદે અલ જઝીરાને જણાવ્યું હતું કે સેનાની ઇંધણની ટાંકીમાં આગ લાગી હતી. જહરાની ઓઇલ ફેસિલિટીમાં પહોંચ્યા પછી, તેમણે પત્રકારોને કહ્યું કે, તેમને ખાતરી નથી કે આગ કયા કારણે લાગી અને તે જાણીજોઇને લગાવવામાં આવી હતી કે કેમ.
ઉર્જા મંત્રીએ જણાવ્યું હતું કે, “અમે તપાસના પરિણામોની રાહ જોવાની જરૂર છે અને અમે પરિણામોના આધારે તમામ જરૂરી પગલાં લેવા માટે તૈયાર રહેવું પડશે.” હવે અમારી પ્રાથમિકતા લોકોની સલામતી છે.’ રાષ્ટ્રીય સમાચાર એજન્સીએ અગાઉ કહ્યું હતું કે, પેટ્રોલ ધરાવતી ઝરાની ઓઇલ ફેસિલિટીની ટાંકીમાં ભીષણ આગ લાગી હતી. આગના ફેલાવાને રોકવા માટે આસપાસની ટાંકીઓને ઠારવા અને આગને બુઝાવતી વખતે ઓછામાં ઓછા 25 ફાયર ટેન્ડર તેલ ફેસેલીટી પર તહેનાત હતા. આગને ફેલાતા અટકાવવા અને આસપાસની ટાંકીઓને ઠંડક આપવા માટે ઓછામાં ઓછા 25 ફાયર ટેન્ડર ઓઇલ સુવિધા પર દોડી ગયા હતા.
લેબનીઝ આર્મીના (Lebanese Army) પ્રવક્તાએ સોમવારે અલ જઝીરાને જણાવ્યું હતું કે, ઇંધણની ટાંકીમાં બેન્ઝીન છે. અધિકારીએ જણાવ્યું હતું કે, આગને કાબૂમાં લેવાનો પ્રયાસ કરતી વખતે અમે હવે વિસ્તારમાંથી રહેવાસીઓને બહાર કાઢી રહ્યા છીએ. હવે આગને અન્ય ટાંકીઓ સુધી પહોંચતા અટકાવવાની પ્રાથમિકતા છે. જહરાની ઓઇલ ફેસિલિટીની ટાંકીઓ પેટ્રોલ અને ડીઝલ સ્ટોર કરે છે. જે લેબેનીઝ સરકારે ખરીદી છે. ઉર્જા સંશોધકો માર્ક આયૂબે જણાવ્યું હતું કે, આ સુવિધામાં તેલની હાજરી ઉપરાંત, સેના માટે થોડું બળતણ અને અનામત સ્ટોક પણ છે. લેબનોનનું એક મુખ્ય પાવર સ્ટેશન પણ નજીકમાં આવેલું છે.
લેબનોનમાં રવિવારે વીજળી પાછી આવી ગઈ હતી. શનિવારે બપોરથી દેશ અંધકારમાં ડૂબી ગયો હતો. કટોકટીના સમયમાં, સેનાએ સરકારને તેના આપાતકાલીન સમયનું બળતણ આપ્યું, ત્યારબાદ પાવર ગ્રીડ શરૂ કરવામાં આવી. જો કે, આ સમસ્યા માત્ર અસ્થાયી ધોરણે ઉકેલાય છે. આર્થિક સંકટનો સામનો કરી રહેલી દેશની સરકારે વહેલી તકે કાયમી ઉકેલ શોધવો પડશે. દેશના બે મોટા પાવર પ્લાન્ટ ઇંધણના અભાવે બંધ થઇ ગયા હતા (Lebanon Electricity Blackouts). શનિવારે સંપૂર્ણ અંધારપટ પૂર્વે પણ લોકોને માત્ર થોડા કલાકો માટે જ વીજળી મળતી હતી.