ભારતે બાલાકોટમાં કરેલી એર સ્ટ્રાઈકને લઈને ઈટાલીના એક પત્રકારે દાવો કર્યો છે કે તેમાં 170થી વધારે જૈશ-એ-મોહમ્મદના આતંકવાદીઓ માર્યા ગયા હતા. પુલવામામાં આતંકી હુમલા બાદ ભારતે આતંકવાદીઓ પર વળતો પ્રહાર કર્યો હતો. ભારતીય વાયુસેના દ્વારા કરાયેલી સર્જિકલ સ્ટ્રાઈકને લઈને વિપક્ષોએ પણ સવાલ ઉઠાવ્યા હતા. આ બાબતે પુરાવા પણ માગ્યા હતા. ઈટાલીના પત્રકારે આ બાબતે દાવો […]
Follow us on
ભારતે બાલાકોટમાં કરેલી એર સ્ટ્રાઈકને લઈને ઈટાલીના એક પત્રકારે દાવો કર્યો છે કે તેમાં 170થી વધારે જૈશ-એ-મોહમ્મદના આતંકવાદીઓ માર્યા ગયા હતા.
સોર્સ- ગૂગલ મેપ
પુલવામામાં આતંકી હુમલા બાદ ભારતે આતંકવાદીઓ પર વળતો પ્રહાર કર્યો હતો. ભારતીય વાયુસેના દ્વારા કરાયેલી સર્જિકલ સ્ટ્રાઈકને લઈને વિપક્ષોએ પણ સવાલ ઉઠાવ્યા હતા. આ બાબતે પુરાવા પણ માગ્યા હતા. ઈટાલીના પત્રકારે આ બાબતે દાવો કર્યો છે અને લખ્યું કે જૈશ-એ-મોહમ્મદના પ્રશિક્ષણ કેમ્પમાં 130થી 170 જેટલાં આતંકવાદીના મોત બાલાકોટ એર-સ્ટ્રાઈક વખતે થયા હતા.
ઈટાલીના પત્રકાર ફ્રાંસેસ્કા મૈરિનોએ વેબસાઈટ STRINGERASIA.IT પર લખ્યું કે ભારતીય વાયુસેનાના દ્વારા કરાયેલી એર-સ્ટ્રાઈકમાં ઘાયલ થયેલાં આતંકવાદીઓમાંથી 45 આતંકવાદીઓની સારવાર હજી પણ ચાલું છે અને સારવાર દરમિયાન 20 જેટલાં આતંકવાદીઓના મોત થયા છે.
મૈરિનોએ પોતાની વેબસાઈટ પર એમ પણ લખ્યું કે પાકિસ્તાની સેનાની ટુકડી દ્વારા બાલાકોટથી જખ્મી લોકોને આર્મી હોસ્પિટલમાં લઈ જવામાં આવ્યા. ભારતની વાયુસેનાએ સાડા ત્રણ વાગ્યે આ હુમલો કર્યો હતો. ત્યારબાદ સવારે 6 વાગ્યે સેનાની ટુકડી આ ઘટનાસ્થળે પહોંચી હતી. પાકિસ્તાન આ ઘટનાને લઈને દુનિયાને છેતરવાનો પ્રયાસ કરી રહ્યું છે.
