મધ્ય પૂર્વ ફરી એકવાર એવા સ્થિતિ પર ઊભું હોય તેવું લાગે છે જ્યાં શાંતિ અને યુદ્ધ વચ્ચે માત્ર થોડા કલાકોનો જ તફાવત છે. ઈરાન અને યુનાઇટેડ સ્ટેટ્સ વચ્ચે તણાવ ઝડપથી વધી રહ્યો હોય તેવું લાગે છે. ઇઝરાયલી વડાપ્રધાન નેતન્યાહૂ અને યુએસ પ્રમુખ ડોનાલ્ડ ટ્રમ્પના તાજેતરના નિવેદનોએ ભયને વધુ ઘેરો બનાવ્યો છે કે આગામી 24 કલાક અત્યંત નિર્ણાયક સાબિત થઈ શકે છે. બે અઠવાડિયાનો કામચલાઉ યુદ્ધવિરામ બુધવાર, 22 એપ્રિલની સાંજે સમાપ્ત થવાનો છે.જોકે આ વચ્ચે સમાચાર સામે આવ્યા છે કે ઈરાન અમેરિકા સાથે વાતચીત માટે તૈયાર થઈ ગયું છે હવે જોવું એ રહેશે કે ખરેખર શાંતિ વાર્તા થશે કે પછી અગાઉની જેમ શાંતિ વાર્તાના નામે ખેલ કરી જશે ઈરાન?

શાંતિ વાર્તાની તૈયારી કે પછી યુદ્ધનું ષડયંત્ર?

ટ્રમ્પે કહ્યું છે કે ઈરાન સાથે યુદ્ધવિરામ બુધવારે સાંજે સમાપ્ત થશે. જો તે પહેલાં કોઈ નિર્ણય ન થાય, તો આ યુદ્ધવિરામ લંબાવવાની શક્યતા ખૂબ જ ઓછી છે. પરિણામે, ભીષણ લડાઈ ફરી શરૂ થવાની પ્રબળ શક્યતા છે.

નેતન્યાહૂએ પણ ટિપ્પણી કરી હતી કે, “ઈરાન સામે ઇઝરાયલનું ઓપરેશન હજુ પૂરું થયું નથી. ઈરાનમાં અમારું કામ અધૂરું રહે છે.” આ નિવેદન ફક્ત રાજકીય સંદેશ નથી; તેને સંભવિત લશ્કરી કાર્યવાહી તરફ સંકેત આપતા સંકેત તરીકે પણ અર્થઘટન કરવામાં આવી રહ્યું છે.

આગામી 24 કલાકમાં થશે શાંતિ વાર્તા !

યુએસ-ઇઝરાયલ ધરી અને ઈરાન વચ્ચેના વાટાઘાટો વચ્ચે, યુદ્ધવિરામ સમાપ્ત થાય તે પહેલાંનો બાકી રહેલો સમય ખૂબ જ મહત્વપૂર્ણ સાબિત થવાનો છે. આમ, આગામી 24 કલાક મહત્વપૂર્ણ માનવામાં આવે છે, કારણ કે આ વિંડો કાં તો મોટા લશ્કરી દાવપેચનો અમલ અથવા રાજદ્વારી ચેનલો દ્વારા તણાવ ઓછો કરવાનો પ્રયાસ જોઈ શકે છે. આ વચ્ચે શાંતિ વાર્તા થવાના પણ સમાચાર સામે આવ્યા છે. ખામેનેઈએ અમેરિકાની સાથે શાંતિ વાર્તા કરવા માટે સહમતી દર્શાવી છે, પણ તેમ છત્તા અમેરિકાની આડોડાઈ અને ઈરાનને અડગ સ્વભાવ વચ્ચે શું ખરેખ શાંતિ વાર્તા થશે કે નહીં તે જ મોટો મુદ્દો છે.

ઇઝરાયલી સૈન્ય ચેતવણી પર છે, અને બદલો લેવાની કાર્યવાહી માટે ઈરાનની તૈયારીઓ અંગે પણ અહેવાલો બહાર આવી રહ્યા છે. દરમિયાન, યુએસ બાજુથી આવતા નિવેદનોએ પ્રવર્તમાન અનિશ્ચિતતાને વધારવામાં જ મદદ કરી છે.
રાષ્ટ્રપતિ ડોનાલ્ડ ટ્રમ્પે રવિવારે જાહેરાત કરી હતી કે એક ઈરાની કાર્ગો જહાજ – જેણે હોર્મુઝ સ્ટ્રેટ નજીક યુએસ દ્વારા લાદવામાં આવેલી નાકાબંધીનો ભંગ કરવાનો પ્રયાસ કર્યો હતો – તેને જપ્ત કરવામાં આવ્યો છે.

ઈરાની સૈન્યએ જણાવ્યું હતું કે જહાજ ચીનથી જઈ રહ્યું હતું. ઈરાની લશ્કરી પ્રવક્તાને ટાંકીને, રાજ્ય મીડિયાએ અહેવાલ આપ્યો: “અમે ચેતવણી આપીએ છીએ કે ઈસ્લામિક રિપબ્લિક ઓફ ઈરાનની સશસ્ત્ર દળો ટૂંક સમયમાં યુએસ સૈન્ય દ્વારા કરવામાં આવેલા સશસ્ત્ર દરિયાઈ ચાંચિયાગીરીના આ કૃત્યનો જવાબ આપશે – અને તેનો ચોક્કસ બદલો લેશે.”

ફરી ધમકીઓનો દોર કે પછી યુદ્ધનો અંત?

ઈરાનના મુખ્ય વાટાઘાટકાર અને સંસદના સ્પીકર, મોહમ્મદ ગાલિબાફે, ડોનાલ્ડ ટ્રમ્પ પર ધમકીઓ અને યુદ્ધવિરામ ઉલ્લંઘન દ્વારા રાજદ્વારીને નબળી પાડવાનો આરોપ લગાવ્યો છે. તેમણે ચેતવણી આપી હતી કે તેહરાન દબાણ હેઠળ વાટાઘાટોમાં જોડાશે નહીં.

સોશિયલ મીડિયા પોસ્ટમાં, ગાલિબાફે કહ્યું: “વોશિંગ્ટન વાટાઘાટોના ટેબલને શરણાગતિના ટેબલમાં રૂપાંતરિત કરવાનો પ્રયાસ કરી રહ્યું છે.” તેમણે વધુમાં ચેતવણી આપી હતી કે જો તણાવ વધુ વધશે, તો ઈરાન “યુદ્ધભૂમિ પર નવા કાર્ડ્સ જાહેર કરવા” તૈયાર છે.

ગાલિબાફનું આ નિવેદન ટ્રમ્પ દ્વારા 22 એપ્રિલની સમયમર્યાદા પહેલા નાજુક બે અઠવાડિયાના યુદ્ધવિરામ અંગે કડક ચેતવણી આપ્યા બાદ આવ્યું છે. પીબીએસ ન્યૂઝ સાથે વાત કરતા, ટ્રમ્પે ટિપ્પણી કરી હતી કે જો કોઈ નિર્ણાયક પરિણામ સાકાર ન થાય, તો “ઘણા બોમ્બ ફેંકવાનું શરૂ થશે.”

ચીન ન કરે એટલુ ઓછુ…. ચીનમાં મોટા પાયે ચાલી રહી છે કીડીઓની તસ્કરી, ખાસ પ્રજાતિની એક કીડીની કિંમત છે 21000 રૂપિયા- વાંચો, આ સ્ટોરી વાંચવા અહીં ક્લિક કરો