Breaking News : મોટા યુદ્ધના ભણકારા..! 7 એપ્રિલે પાવર પ્લાન્ટ અને બ્રિજ બધુ કરી નાખશે તબાહ… Hormuz ન ખોલવા પર ટ્રમ્પની ઈરાનને ધમકી

યુએસ પ્રેસિડેન્ટ Donald Trumpએ ઈરાનને લઈને ફરી એકવાર કડક ચેતવણી આપી છે. તેમણે કહ્યું છે કે જો Strait of Hormuz ખોલવામાં નહીં આવે, તો મંગળવારથી ઈરાનના પાવર પ્લાન્ટ અને પુલોને નિશાન બનાવવામાં આવશે. ટ્રમ્પે પોતાના સોશિયલ મીડિયા પ્લેટફોર્મ ‘ટ્રુથ સોશિયલ’ પર લખ્યું કે, “સ્ટ્રેટ ખોલો, નહિતર ગંભીર પરિણામો માટે તૈયાર રહો.” તેમની ભાષા ખૂબ જ કઠોર અને આક્રમક રહી હતી.

ટ્રમ્પ દ્વારા આપવામાં આવેલી 10 દિવસની સમયમર્યાદા હવે પૂર્ણ થવાની કગારમાં છે. સોમવાર સુધીમાં કોઈ સ્પષ્ટ સમજૂતી થઈ નથી, અને વાટાઘાટો અનિર્ણિત રહી છે. ટ્રમ્પે અગાઉ પણ ચેતવણી આપી હતી કે જો ઈરાન કોઈ કરાર સુધી નહીં પહોંચે, તો તેના વીજળી, પાણી અને તેલના મુખ્ય માળખા પર હુમલો થઈ શકે છે.

આ પુલનું નિર્માણ લગભગ 400 મિલિયન ડોલરના ખર્ચે

આ દરમિયાન, તાજેતરમાં અમેરિકા અને ઈઝરાયલ દ્વારા ઈરાનના કારાજ શહેરમાં આવેલ એક મહત્વપૂર્ણ પુલ પર હુમલો કરવામાં આવ્યો હોવાની માહિતી સામે આવી છે. આ હુમલામાં બે લોકોના મૃત્યુ થયા હતા અને આશરે 136 મીટર ઊંચો અને 1,050 મીટર લાંબો પુલ ભારે નુકસાનગ્રસ્ત થયો હતો. આ પુલનું નિર્માણ લગભગ 400 મિલિયન ડોલરના ખર્ચે થયું હતું, જેને ઈરાનના મહત્વપૂર્ણ ઈન્ફ્રાસ્ટ્રક્ચર તરીકે માનવામાં આવતું હતું.

ઈરાને ટ્રમ્પની આ ધમકીઓને સ્પષ્ટ રીતે નકારી કાઢી છે. તેહરાનનું કહેવું છે કે આવા હુમલાઓ આંતરરાષ્ટ્રીય કાયદા હેઠળ યુદ્ધ અપરાધ ગણાશે. ઈરાને ચેતવણી આપી છે કે જો અમેરિકા કોઈ સૈન્ય કાર્યવાહી કરશે, તો તે ઈઝરાયલ અને ખાડી દેશોમાં આવેલા મહત્વપૂર્ણ લક્ષ્યો પર પ્રતિકાર કરશે.

ચર્ચાઓનો મુખ્ય હેતુ યુદ્ધ ટાળવાનો

છેલ્લા કેટલાક દિવસોમાં અમેરિકા અને ઈરાન વચ્ચે તણાવ વધતો જઈ રહ્યો છે. બંને દેશો વચ્ચે સીધી વાતચીત નહીં હોવા છતાં, પાકિસ્તાન, ઈજિપ્ત અને તુર્કી જેવા દેશો દ્વારા મધ્યસ્થી કરવાનો પ્રયાસ થયો હતો. આ ચર્ચાઓનો મુખ્ય હેતુ યુદ્ધ ટાળવાનો અને હોર્મુઝ સ્ટ્રેટ ફરી શરૂ કરાવવાનો હતો, પરંતુ હજુ સુધી કોઈ ખાસ પરિણામ સામે આવ્યું નથી.

હોર્મુઝ સ્ટ્રેટ વૈશ્વિક સ્તરે અત્યંત મહત્વપૂર્ણ દરિયાઈ માર્ગ છે. વિશ્વના કુલ તેલ પુરવઠાનો અંદાજે 20 થી 30 ટકા ભાગ આ માર્ગ દ્વારા પસાર થાય છે. તેથી, અહીં કોઈપણ પ્રકારનો તણાવ વૈશ્વિક અર્થતંત્ર અને તેલ બજાર પર સીધી અસર કરી શકે છે.