H-1B વિઝાથી વંચિત સેંકડો ભારતીય આઇટી પ્રોફેશનલ્સ માટે સારા સમાચાર, અમેરિકા બાહાર પાડશે બીજી લોટરી
સેંકડો ભારતીય આઇટી પ્રોફેશનલ્સ માટે રાહતના સમાચાર છે. જે લોકોને અગાઉની પસંદગીમાં H-1B વિઝા મેળવી શક્યા નથી. તેઓ માટે યુએસ H-1B વિઝા અરજદારો માટે બીજી લોટરીનું આયોજન કરશે.
સેંકડો ભારતીય આઇટી પ્રોફેશનલ્સ માટે રાહતના સમાચાર છે. જે લોકોને અગાઉની પસંદગીમાં H-1B વિઝા મેળવી શક્યા નથી. અમેરિકન સિવિલ એન્ડ ઇમિગ્રેશન સર્વિસીસ (યુએસસીઆઇએસ) એ કહ્યું છે કે, યુએસ H-1B વિઝા અરજદારો માટે બીજી લોટરીનું આયોજન કરશે.
યુએસસીઆઈએસએ ગુરુવારે જણાવ્યું હતું કે, આ વર્ષની શરૂઆતમાં યોજાયેલા H-1B વિઝા માટે કોમ્પ્યુટરાઈઝ્ડ ડ્રો દરમિયાન કોંગ્રેસ દ્વારા માન્ય H-1B વિઝાની પૂરતી સંખ્યા પ્રાપ્ત થઈ નથી. તેથી બીજો ડ્રો કરવાનો નિર્ણય લેવાયો છે. H-1B વિઝા એક બિન-સ્થળાંતરિત વિઝા છે જે યુએસ કંપનીઓને વિદેશી કામદારોને વિશિષ્ટ વ્યવસાયોમાં રોજગારી આપવા માટે પરવાનગી આપે છે જેને સૈદ્ધાંતિક અથવા તકનીકી કુશળતાની જરૂર હોય છે.
મહત્વનું છે કે, ભારત અને ચીન જેવા દેશોમાંથી દર વર્ષે હજારો લોકોને નોકરી આપવા માટે ટેકનોલોજી કંપનીઓ આ વિઝા પર આધાર રાખે છે.
USCISએ કહ્યું કે, અમે તાજેતરમાં નક્કી કર્યું છે કે નાણાકીય વર્ષ 2022ના આંકડાકીય ફાળવણી સુધી પહોંચવા માટે અમારે વધારાની નોંધણીઓ પસંદ કરવાની જરૂર છે. નવા ડ્રો માટે અરજીઓ 2 ઓગસ્ટથી 3 નવેમ્બર સુધી કરી શકાશે. HB વિઝા માટે વાર્ષિક મર્યાદા 65,000 વિઝા નક્કી કરવામાં આવી છે.