Knife Attack in Germany’s Wurzburg: જર્મની (Germany)માં એક હુમલો થયા હોવાના સમાચાર સામે આવ્યા છે. જર્મનીમાં એક વ્યક્તિએ ચપ્પાથી કેટલાક લોકો પર અચાનક હુમલો કરી દીધો છે. જેમાં ઘણા લોકોના મોત થયા છે. આ ઘટના શુક્રવારે વુર્જબર્ગ (WUrzburg) શહેરમાં બની છે.
આ ઘટનાની જાણકારી સ્થાનિક પોલીસે આપી છે, આ હુમલા કેટલાક લોકો ઘાયલ પણ થયા છે, આ ઘટના પર લોઅર ફ્રેકોનિયા પોલીસે કહ્યું કે તેમને શંકાસ્પદની ધરપકડ કરી છે. પોલીસે ટ્વીટ કરીને જણાવ્યું કે બીજા શંકાસ્પદની હાલમાં કોઈ જાણકારી નથી મળી, લોકોને હવે કોઈ ખતરો નથી.
ઘટનાની જાણકારી મળતા જ પોલીસ સ્થળ પર પહોંચી અને આ વિસ્તારમાં પોલીસ અધિકારીઓ તૈનાત કરવામાં આવ્યા. આસપાસના વિસ્તારને પણ સીલ કરી દેવામાં આવ્યો છે. ત્યારે ઘટનાની તપાસ પણ શરૂ કરી દેવામાં આવી છે. આ ઘટનાનો એક વીડિયો પણ સોશિયલ મીડિયા પર સામે આવ્યો છે, જેમાં એક વ્યક્તિ હાથમાં ચપ્પુ લઈ જોવા મળી રહ્યો છે. વીડિયોમાં જોઈ શકાય છે કે ત્યાં હાજર લોકો હુમલાખોરથી બચવાના પ્રયત્ન કરી રહ્યા છે.
JUST IN – 3 dead, 6 injured after stabbing attack in Würzburg, Germany. The suspect was taken into custody.pic.twitter.com/bRlcHcJyc1
— Disclose.tv 🚨 (@disclosetv) June 25, 2021
3 લોકોના મોત
પોલીસે મૃતકો અને ઘાયલોની સંખ્યાને લઈ હાલમાં કોઈ જાણકારી આપી નથી. આ ઘટના સિટી સેન્ટર સ્કવેરમાં થઈ છે. જર્મન પોલીસ બ્રોડકાસ્ટ મુજબ પોલીસને ઘટનાની જાણકારી સાંજે 5 વાગ્યાની આસપાસ થઈ હતી. પોલીસે પોતાના હથિયારોનની મદદથી હુમલાખોર પર કાબૂ મેળવી લીધો. ત્યારે આ હુમલાની પાછળનું કારણ શું હતું, તે વિશે કોઈ માહિતી સામે આવી નથી. સ્થાનિક મીડિયાનું કહેવું છે કે 3 લોકોના મોત થયા છે, ત્યારે પોલીસે આ વિશે વધુ માહિતી આપી નથી.