અચાનક મુસ્લિમ દેશોમાંથી પૈસા ભારત આવી રહ્યા છે, બેંકોમાં ધડાધડ આવી રહ્યો છે વિદેશી ચલણનો પ્રવાહ, જાણો કારણ

યુએઈ દિરહામ સામે ભારતીય રૂપિયાના મૂલ્યમાં ઘટાડાને કારણે ગલ્ફ દેશોમાં, ખાસ કરીને યુએઈ અને સાઉદી અરેબિયામાં ભારતીય પ્રવાસીઓ તરફથી મોકલવામાં આવેલા નાણાંમાં તીવ્ર વધારો થયો છે.અહેવાલ મુજબ, રૂપિયો પ્રતિ AED લગભગ ₹23.5 પર આવી ગયો છે, જે એપ્રિલની શરૂઆતથી તેનું સૌથી નબળું સ્તર છે, ઘણા બિન-નિવાસી ભારતીયો (NRIs) ઘરે પૈસા મોકલવા માટે ઉતાવળ કરી રહ્યા છે.

એક અહેવાલ મુજબ, રૂપિયો ઘટીને લગભગ ₹23.5 પ્રતિ દિરહામ થયો હોવાથી, વિદેશથી ભારતમાં મોકલવામાં આવતા પૈસામાં તીવ્ર વધારો થયો છે. આને કારણે, તેઓ ઓછા રૂપિયામાં વધુ દિરહામ મોકલી શકે છે, જેના કારણે ભારતમાં રહેતા તેમના પરિવારોને વધુ પૈસા મળશે. એપ્રિલની શરૂઆતથી આ દર સૌથી નબળો છે. આને કારણે, ગલ્ફ દેશોમાં, ખાસ કરીને યુએઈ અને સાઉદી અરેબિયામાં રહેતા ભારતીયો ઝડપથી ભારતમાં પૈસા મોકલી રહ્યા છે.

મોટાભાગના લોકો ભારત મોકલી રહ્યા છે રૂપિયા

ગલ્ફ દેશોમાં કરન્સી એક્સચેન્જ હાઉસનું કહેવું છે કે 19 જૂનથી AED થી INR સુધીના વ્યવહારોમાં ઝડપથી વધારો થયો છે. ટ્રેડર્સના જણાવ્યા અનુસાર, જેમની પાસે વધારાના પૈસા છે તેઓ તરત જ તેને ભારતમાં મોકલી રહ્યા છે. UAEના એક એક્સચેન્જ હાઉસના એક વરિષ્ઠ અધિકારીએ ગલ્ફ ન્યૂઝને જણાવ્યું હતું કે, “તાજેતરના અઠવાડિયામાં AED-INR રેમિટન્સની દ્રષ્ટિએ તે શ્રેષ્ઠ દિવસ હતો. ભલે રૂપિયાનું મૂલ્ય થોડા સમય માટે 23.45 રૂપિયા સુધી વધી ગયું હોય, મોટાભાગના લોકોએ પૈસા મોકલવાનું ચાલુ રાખ્યું.”

ઉનાળાની રજાઓ છતાં રેમિટન્સ વધે છે

સામાન્ય રીતે જૂન મહિનામાં, NRIs વેકેશન અને મુસાફરી ખર્ચને કારણે ભારતમાં ઓછા પૈસા મોકલે છે. પરંતુ આ વખતે રૂપિયાના ઘટાડાને કારણે ટ્રેન્ડ બદલાયો છે. મની એક્સચેન્જ હાઉસના મતે, સપ્તાહના અંતે પણ રેમિટન્સની ગતિ સમાન રહી અને સોમવાર સુધી તે ચાલુ રહેવાની અપેક્ષા છે. નિષ્ણાતો માને છે કે જો જુલાઈમાં રૂપિયો એ જ સ્થિતિમાં રહે છે અથવા વધુ નબળો પડે છે, તો તે NRIs માટે બેવડો ફાયદો થશે.