Breaking News : કતલની રાત.. ઈરાન પર આજે આખી રાત એટેક ચાલુ રહેશે, યુદ્ધ વચ્ચે ટ્રમ્પનું મોટું નિવેદન

ઈરાન યુદ્ધ અંગે, યુએસ રાષ્ટ્રપતિ ડોનાલ્ડ ટ્રમ્પે એક પ્રેસ કોન્ફરન્સમાં જણાવ્યું હતું કે ઈરાનમાં લશ્કરી કાર્યવાહી ચાલુ છે. ઈરાન પર વધુ મોટા હુમલા થશે. આ હુમલાઓ ઈરાનની સમયસર કાર્યવાહી કરવામાં નિષ્ફળતાની સજા છે.

યુએસ પ્રેસિડેન્ટ ડોનાલ્ડ ટ્રમ્પે ઈરાન મુદ્દે તાજેતરની પ્રેસ કોન્ફરન્સ દરમિયાન જણાવ્યું કે ઈરાનમાં અમેરિકાની લશ્કરી કાર્યવાહી હાલ પણ ચાલુ છે. તેમણે ચેતવણી આપી કે આવનારા દિવસોમાં ઈરાન પર વધુ મોટા હુમલાઓ થઈ શકે છે. તેમના જણાવ્યા અનુસાર, ઈરાન દ્વારા સમયસર યોગ્ય પગલાં ન ભરાતા આ કાર્યવાહી કરવામાં આવી રહી છે.

ટ્રમ્પે ઈરાનને વિશ્વમાં આતંકવાદને પ્રોત્સાહન આપનાર દેશ તરીકે વર્ણવ્યો. તેમણે દાવો કર્યો કે ઈરાન યુનાઇટેડ સ્ટેટ્સ સામે હુમલાની તૈયારીમાં હતો, જેને ધ્યાનમાં રાખીને અમેરિકાએ કડક પગલાં લીધાં.

પ્રેસિડેન્ટ ટ્રમ્પે વધુમાં જણાવ્યું કે અમેરિકાએ અગાઉ ઈરાનના જનરલ કાસિમ સુલેમાનીને નિશાન બનાવ્યો હતો. તેમ જ તેમણે દાવો કર્યો કે અત્યાર સુધીમાં અમેરિકી દળોએ ઈરાનના 10 યુદ્ધ જહાજોને નષ્ટ કર્યા છે.

આ નિવેદનો બાદ મધ્ય પૂર્વ વિસ્તારમાં તણાવ વધુ વધી શકે તેવી શક્યતા વ્યક્ત કરવામાં આવી રહી છે.

અમેરિકાના રાષ્ટ્રપતિ ડોનાલ્ડ ટ્રમ્પે જણાવ્યું કે ઈરાને અમેરિકા સાથે છેતરપિંડી કરી છે. તેમણે કહ્યું કે ઈરાન સામે પગલાં લેવા માટે છેલ્લા પાંચ અઠવાડિયાથી તૈયારીઓ ચાલી રહી છે. ટ્રમ્પે ચેતવણી આપી કે જો જરૂર પડશે તો યુદ્ધને વધુ વિસ્તૃત કરવામાં આવશે. તેમણે ઉમેર્યું કે ઈરાને તરત જ પોતાના હથિયારો મૂકી દેવા જોઈએ, નહીં તો એવા સૈન્ય ઓપરેશન હાથ ધરવામાં આવશે જેવો વિશ્વે અગાઉ ક્યારેય જોયો નહીં હોય.

પહેલા વેનેઝુએલા, પછી ઈરાન અને હવે કોનો વારો? અમેરિકી સાંસદે જણાવ્યો ટ્રમ્પનો આગામી ટાર્ગેટ