બ્રિટનમાં કોરોનાના નવા સ્ટ્રેનથી હડકંપ, શું છે આરોગ્ય નિષ્ણાંતોના મંતવ્યો ?

બ્રિટનમાં કોરોના વાયરસનો વધુ એક નવો સ્ટ્રેન મળવાથી વિશ્વભરમાં હડકંપ મચી ગયો છે.આ વચ્ચે બ્રિટનના સ્વાસ્થ્ય સચિવે કહ્યું કે, દક્ષિણ આફ્રિકાથી યાત્રા કરીને આવેલા અમુક લોકોના સંપર્કમાં આવનારા લોકોમાંથી કોરોના વાયરસના એક નવા વેરિયન્ટની ખબર પડી છે. ત્યારબાદ છેલ્લા બે સપ્તાહથી દક્ષિણ આફ્રિકાથી આવનારા તમામ લોકોને હોમ આઇસોલેટ કરવા માટે કહેવામાં આવ્યું છે. તો બ્રિટને દક્ષિણ આફ્રિકાની ફ્લાઇટ્સ પર પ્રતિબંધ લગાવી દીધો છે.

બ્રિટનમાં ઝડપથી ફેલાતા નવા સ્ટ્રેન બાદ, હવે જ્યારે કોરોના વાયરસનો વધુ એક સ્ટ્રેન સામે આવ્યો છે, જે ખૂબ સંક્રમણ છે. ત્યારે આ નવા સ્ટ્રેનના 2 કેસ સામે આવ્યા છે. મહત્વનું છે કે, કોરોનાના નવા વેરિયેન્ટે જે રીતે બ્રિટનને નુકસાન પહોંચાડ્યું છે. તે જ રીતે દક્ષિણ આફ્રિકામાં પણ આ બિમારી ઝડપથી ફેલાઇ રહી છે. જોકે ત્યાંના નિષ્ણાત ડોક્ટરોના મતે હાલમાં બનાવાયેલી વેક્સિન આ નવા સ્ટ્રેનમાં ઉપયોગી રહેશે.