બર્ગર કિંગે મહિલા દિવસ પર કરેલા વિવાદિત ટ્વિટ માટે માંગી માફી, જાણો શું હતી પોસ્ટ અને શું કહ્યું જવાબમાં

તાજેતરમાં જ મહિલા દિન પર બર્ગર કિંગના (Burger King) એક ટ્વિટથી સોશિયલ મીડિયા પર ખળભળાટ મચી ગયો હતો. લોકોએ આ અંગે કંપનીને ટ્રોલ કરી હતી. બાદમાં બર્ગર કિંગે (Burger King) ટ્વિટ કરીને તેના માટે માફી માંગી હતી અને વિવાદિત ટ્વિટને ડિલીટ પણ કરી હતી.

બર્ગર કિંગે ટ્વીટ કર્યું હતું કે, “અમે તમને સાંભળ્યા. અમને અમારું આગળનું ટ્વીટ ખોટું લાગ્યું, અને અમે દિલગીર છીએ. અમારો ઉદ્દેશ એ હકીકત તરફ ધ્યાન આકર્ષિત કરવાનો હતો કે યુકેના રસોડામાં વ્યાવસાયિક રસોઇયા સ્ત્રીઓ માત્ર 20 ટકા છે. અમે આવી ભૂલ આગળ નહીં કરીએ.” તેમણે કહ્યું, ‘અમે માફી માંગ્યા પછી મૂળ ટ્વીટ કા ડિલીટ કરવાનું નક્કી કર્યું છે. અમારા ધ્યાનમાં લાવવામાં આવ્યું હતું કે થ્રેડમાં અપમાનજનક ટિપ્પણીઓ હતી અને અમે એવું નથી ઈચ્છતા.

તમને જણાવી દઈએ કે મહિલા દિવસે બર્ગર કિંગે એક ટ્વીટ કર્યું હતું જેમાં તેણે કહ્યું હતું કે ‘મહિલાઓની જગ્યા રસોડામાં’. આ બાદ લોકોએ ટ્વિટર પર આખા વિશ્વમાં ફૂડ ચેન ચલાવનારી આ કંપનીને ટ્રોલ કરવાનું શરૂ કર્યું.

વિવાદિત ટ્વિટ

જો કે કંપનીએ તેના પોતાના ટ્વિટના જવાબમાં લખ્યું, “અમારા રસોડામાં માત્ર 20 ટકા શેફ મહિલાઓ છે.” જો તે અમારી સાથે જોડાવા માંગે છે, તો સ્વાગત છે. અમે આ ક્ષેત્રમાં મહિલાઓની સંખ્યામાં વધારો કરીને લિંગ રેશિયો બદલવા માંગીએ છીએ. અમે આ માટે અભિયાન ચલાવી રહ્યા છીએ.