Breaking News : યુદ્ધ જહાજ પર મિસાઇલ હુમલાથી ગુસ્સે ભરાયેલા અમેરિકાએ 5 ઇરાની તેલ ટેન્કરોનો નાશ કર્યો
ઈરાની રિવોલ્યુશનરી ગાર્ડ્સ (IRGC) દ્વારા અમેરિકન યુદ્ધ જહાજ પર મિસાઈલ હુમલાના પ્રયાસના જવાબમાં અમેરિકાએ પાંચ ઈરાની તેલ ટેન્કરોનો નાશ કર્યો છે.
ઈરાન અને અમેરિકા વચ્ચે તણાવ ઓછો થવાનું નામ લઈ રહ્યું નથી. બંને દેશ એકબીજા પર સતત હુમલા કરી રહ્યા છે. આ વચ્ચે અમેરિકી સેનાએ ઈરાનના પાંચ કાચા તેલને લઈ જનારા ટેન્કરોને નિશાન બનાવી નાશ કર્યો છે. અમેરિકી સેન્ટ્રલ કમાન્ડના જણાવ્યા મુજબ આ કાર્યવાહી ઈરાનના રિવોલ્યુશનરી ગાર્ડસ એટલે કે, IRGC તરફથી અમેરિકી નૌસેનાના યુદ્ધ જહાજ પર બૈલિસ્ટિક મિસાઈલથી બે વખત હુમલો કરવાના પ્રયત્ન બાદ કરવામાં આવી છે.
CENTCOMએ મંગળવારના રોજ કહ્યું કે, ઈરાનના ઈસ્લામિક રિવોલ્યુશનરી ગાર્ડ કોરે છેલ્લા 2 દિવસમાં અમેરિકી નૌસેનાના એક યુદ્ધ જહાજને 2 વખત નિશાને બનાવવાનો પ્રયત્ન કર્યો હતો. પરંતુ બંને વખતે આ હુમલા અસફળ રહ્યા હતા. અમેરિકી યુદ્ધજહાજ મિસાઈથી બચવામાં સફળ રહી અને ત્યારબાદ તેમણે તેમની પ્રવૃત્તિઓ ચાલુ રાખી. આ હુમલાઓમાં કોઈ યુએસ સૈનિકો ઘાયલ થયા ન હતા.
5 ઈરાની ટેન્કરો પર હુમલા
CENTCOMએ ઈરાનના હાલના અસફળ હુમલાના જવાબમાં કહ્યું કે, સેનાએ IRGCના તેલ દાણાચોરી નેટવર્ક થી કથિત રીતે જોડાયેલા 5 ટેન્કરો પર હુમલો કર્યો છે. ઓમાનની ખાડીમાં લક્ષિત જહાજની ઓળખ એમટી કવિઝ,એમટી ચારમીનાર, એમટી હોરાઈઝન 1 અને એમટી રીસ્કોના રુપમાં કરવામાં આવી છે. આ સાથે ઈરાનના ખાર્ગ દ્વીપની પાસે એમટીડેર્યા પર પણ હુમલો કર્યો છે.
CENTCOM forces destroyed five Iranian crude oil carriers, Sept. 8, after the Islamic Revolutionary Guard Corps (IRGC) targeted a U.S. Navy warship with ballistic missiles twice over the past two days. The U.S. warship successfully evaded the attempted Iranian attacks and… pic.twitter.com/Gi8a2tloN1
— U.S. Central Command (@CENTCOM) September 8, 2026
અમેરિકાનો ઈરાન પર આરોપ
CENTCOMએ આરોપ લગાવ્યો કે, આ તેલ ટેન્કરનો ઉપયોગ અરબો ડોલરના એક ગુપ્ત તેલ નેટવર્કના ભાગ રુપે કરે છે. અમેરિકાનો દાવો છે કે, નેટવર્કથી મળનારી રકમ IRGC અને તેના ક્ષત્રીય સહયોગી સંગઠનોની ગતિવિધિને આર્થિક મદદ આપે છે. આ સાથે એ પણ કહ્યું કે, ઈરાનની પાસે આ ટેન્કરોની રક્ષા કરવાનું કોઈ સાધન નથી.
ઈરાની તેલ ટેન્કરો સામે આ પહેલી યુએસ કાર્યવાહી નથી. સેન્ટકોમે અહેવાલ આપ્યો છે કે 5 સપ્ટેમ્બરના રોજ, યુએસ દળોએ ત્રણ ઈરાની ક્રૂડ ઓઇલ ટેન્કરોનો પણ નાશ કર્યો હતો.અહેવાલો અનુસાર, અમેરિકાની નવી કાર્યવાહી બાદ ઈરાને કુવૈત અને બહેરીનના બંદરો નજીક કાર્યરત તેલ ટેન્કરો સામે બદલો લેવાની ધમકી આપી છે.
