શનિવારે ઓહાયોના ટોલેડોમાં ઓલ્ડ વેસ્ટ એન્ડ ફેસ્ટિવલ નજીક ગોળીબાર થયો હતો. અજાણ્યા હુમલાખોરોએ ગોળીબાર કર્યો હતો, જેમાં અનેક લોકો ઘાયલ થયા હતા. ટોલેડો પોલીસને ફેસ્ટિવલના મેદાન નજીક ગોળીબારના અહેવાલ મળ્યા હતા અને તેઓ ઘટનાસ્થળે પહોંચ્યા હતા. હુમલામાં ઘાયલ થયેલા તમામ લોકોને નજીકની હોસ્પિટલમાં સારવાર અર્થે દાખલ કરવામાં આવ્યા હતા. સોશિયલ મીડિયા પર ફરતા થયેલા આ ગોળીબારનવી ઘટનાના વીડિયોમાં લોકો ગભરાટ સાથે ભયથી ફફડાટ અનુભવી રહ્યા હોવાનુ જોઈ શખાય છે. ગોળીબાર થતાં જ સમગ્ર વિસ્તારમાં હડકંપ મચી ગયો હતો.

ટોલેડો પોલીસે, અજાણ્યા હુમલાખોરો દ્વારા કરાયેલા આડેઘડ ગોળીબારની તપાસ શરૂ કરી છે, જોકે અત્યાર સુધી કોઈ ધરપકડ કરવામાં આવી નથી. શંકાસ્પદોની શોધ ચાલુ છે. તેમની ઓળખ કે ધરપકડ અંગે કોઈ વિગતો હજુ સુધી જાહેર કરવામાં આવી નથી. ઘટના પાછળનો હેતુ હજુ સુધી અસ્પષ્ટ છે.

અધિકારીઓએ વ્યક્ત કરી ચિંતા

ઓહિયોના ગવર્નર માઇક ડીવાઇન અને ટોલેડો સિટી કાઉન્સિલના સભ્ય થેરેસા મોરિસ બંનેએ હિંસા અંગે ઊંડી ચિંતા વ્યક્ત કરી. ગવર્નર ડીવાઇનએ જણાવ્યું હતું કે તેઓ તે રાત્રે ટોલેડોની પરિસ્થિતિ અંગે ખૂબ જ ચિંતિત હતા. “ઉનાળાના તહેવારો પરિવારો માટે હિંસાના ભય વિના સાથે સમય વિતાવવા માટે સલામત સ્થાનો હોવા જોઈએ.”

તબીબી તાલીમ સાથે યુએસ નેવીના અનુભવી કેવિન બેરી નજીકના આર્બોરેટમમાં લાઇવ સંગીત સાંભળી રહ્યા હતા ત્યારે અચાનક ગોળીબાર શરૂ થયો. ત્યારબાદ થયેલી અંધાધૂંધીને યાદ કરીને, બેરીએ બધાને જમીન સરસા થઈ જવા માટે બૂમ પાડી હતી. જ્યારે તેણે ઉપર જોયું, ત્યારે તેણે 50 ફૂટથી ઓછા અંતરે જમીન પર પડેલી એક બંદૂક જોઈ. ઉત્સવમાં પહેલાથી જ હાજર પોલીસ અધિકારીઓ તાત્કાલિક ઘટનાસ્થળે દોડી ગયા. તેમના તબીબી જ્ઞાનનો ઉપયોગ કરીને, બેરીએ કોઈને તાત્કાલિક તબીબી સહાયની જરૂર છે કે કેમ તે જોવા માટે આ વિસ્તારમાં ફર્યો. તેમણે ઓછામાં ઓછા પાંચ લોકોને ગોળી વાગતા જોયાની જાણ કરી.

Breaking News: ડોનાલ્ડ ટ્રમ્પનું ‘મોટું નિવેદન’… 7 સપ્ટેમ્બર સુધીમાં ખતમ થઈ શકે છે ‘હોર્મુઝની નાકાબંધી’